Matius 7:15-16

Yesus bilang lei, “Ngoni musti hati-hati pa tu nabi-nabi palsu yang datang pa ngoni! Dorang bilang kalu dorang itu nabi, tu orang-orang yang ja kase tau tu Tuhan Allah pe pesan pa orang-orang padahal bukang. Dorang itu pura-pura pangbae sama deng domba, mar sebenarnya dorang itu jaha sama deng tu srigala yang ganas. Ngoni bole mo dapa tau kalu dorang itu butul-butul nabi ato nabi palsu dari apa tu dorang da beking, sama deng dapa tau pohong dari de pe bua. Nyanda mungkin to tu rumpu baduri mo babua anggor ato mo babua ara.