cēnisis 5
5
1 #
cēnisis 1:27,28 ēwako oma masinahikan ot āniskēnitāwikihākana ātam. anima ē kisikāk kisēmanito kā ki osihāt ayisiyiniwa ot isinākosiwinihk kisēmanito ē ki isi osihāt; 2#mātyo 19:4; mārk 10:6nāpēaya mina iskwēwaya ē ki osihāt; mina kā sawēyimāt, mina ātam ē ki isi wihyāt, anima ē kisikāk ispi kā ki osihihcik.
3ātam ki pimātisiw pēyakwāw mitāhtomitanaw mina nistomitanaw tahto piponwa, ēkosi ki nihtāwikihēw okosisa otisinākosiwinihk, ē ki naspitākot; ēkosi sēht ki isi wihyēw: 4anihi māka o kisikāma ātam kā ki nihtāwikihāt sēht, ayinānēw tahto mitāhtomitanaw piponwa, ē ki nihtāwikihāt okosisa mina otānisa: 5kahkiyaw māka kisikāwa iyikohk kā ki pimātisit ātam, kēkāt kihci mitāhtomitanaw mina nistomitanaw ayiwāk piponwa; ēkosi ki nipiw.
6mina sēht ki pimātisiw pēyakwāw mitāhtomitanaw mina niyānan tahto piponwa, ēkosi ki nihtāwikihēw inos: 7mina sēht ki pimātisiw kā ki nihtāwikihāt inos, ayinānēw tāhtwāw mitāhtomitanaw mina tēpakop tahto piponwa, ēkosi ē ki nihtāwikihāt okosisa mina otānisa: 8kahkiyaw māka o kisikāma sēht kēkāt kihci mitāhtomitanaw mina mitātat nisosāp tahto piponwa: ēkosi ki nipiw.
9mina inos ki pimātisiw kēkāt mitāhtomitanaw tahto piponwa, ēkosi ki nihtāwikihēw kinan; 10ēkosi inos ki pimātisiw, kā ki nihtāwikihāt kinan ayinānēw tahtwāw mitāhtomitanaw mina mitātaht niyānanosāp tahto piponwa, ēkosi ki ati nanihtāwikihēw okosisa mina otānisa: 11kahkiyaw māka o kisikāma inos kēkāt kihci mitāhtomitanaw mina niyānan tahto piponwa; ēkosi ki nipiw.
12ēkosi kinan ki pimātisiw tēpakop tahto mitanaw piponwa, ē ki nihtāwikihāt mēalēlil: 13mina kinan ki pimātisiw kā ki nihtāwikihāt mēalēlil ayinānēw tahtwāw mitāhtomitanaw mina nēmitanaw tahto piponwa, ēkosi ki ati nanihtāwikihēw okosisa mina otānisa. 14kahkiyaw māka o kisikāma kinan kēkāt kihci mitāhtomitanaw mina mitātaht piponwa; ēkosi ki nipiw.
15mina mēalēlil ki pimātisiw nikotwāsomitanaw niyānanosāp tahto piponwa, ēkosi ki nihtāwikihēw cērit: 16mina mēalēlil ki pimātisiw kā ki nihtawikihāt cērit, ayinānēw tahtwāw mitāhtomitanaw mina nisto mitanaw tahto piponwa, ēkosi ki ati nanihtāwikihēw okosisa mina otānisa: 17kahkiyaw māka o kisikāma mēalēlil ayinānēw tahtwāw mitāhtomitanaw mina kēkāt mitāhtomitanaw mina niyānan tahto piponwa: ēkosi ki nipiw.
18mina cērit ki pimātisiw mitāhtomitanaw mina nikotwāsomitaw nisosāp tahto piponwa, ēkosi ki nihtāwikihēw inak: 19mina cērit ki pimātisiw kā ki nihtāwikihāt inak ayinānēw tahtwāw mitāhtomitanaw tahto piponwa, ēkosi ki ati nanihtāwikihēw okosisa mina otānisa: 20kahkiyaw māka o kisikāma cērit kēkāt kihci mitāhtomitanaw mina nikotwāsomitanaw nisosāp tahto piponwa; ēkosi ki nipiw.
21mina inak ki pimātisiw nikotwāsomitanaw niyānanosāp tahto piponwa, ēkosi ki nihtāwikihēw mitosila: 22ēkosi inak ki wicipimohtēmēw kisēmanitowa kā ki nihtāwikihāt mitosilawa nistwāw mitāhtomitānaw tahto piponwa, ēkosi ki ati nanihtāwikihēw okosisa mina otānisa: 23kahkiyaw māka o kisikāma inak nistwāw mitāhtomitanaw mina nikotwāsomitanaw niyananosāp tahto piponwa: 24#hiparowa 11:5; cot 1:14inak māka ki wicipimotēmēw kisēmanitowa; ēkosi namawiya ki ihtāw; cikēmā kisēmanitowa ki otinik.
25mina mitosila ki pimātisiw mitāhtomitanaw mina ayinanēmitanaw tēpakoposāp piponwa, ēkosi ē ki nihtāwikihāt lēmik: 26mina mitosila ki pimātisiw kā ki nihtāwikihāt lēmik tēpakop tahtwāw mitāhtomitanaw ayinānēmitanaw nisosāp piponwa, ēkosi ki ati nanihtāwikihēw okosisa mina otānisa: 27kahkiyaw māka o kisikāma mitosila kēkāt kihci mitāhtomitanaw mina kēkāt tēpakopomitanaw tahto piponwa ēkosi ki nipiw.
28mina lēmik ki pimātisiw mitāhtomitanaw mina ayinanēmitanaw nisosāp tahto piponwa. ēkosi ki nihtāwikihēw okosisa: 29ēkosi noa ki isi wihyēw, ē itwēt, ēwako awa kē miyotēhēikoyahk oma kā isi atoskēyahk, kā isi nocicikēyahk kicihcināhk, oma ohci aski kā ki macakitahk kā tipēyihcikēt. 30mina lēmik ki pimātisiw kā ki nihtāwikihāt noa niyānanwāw mitāhtomitanaw mina kēkāt mitāhtomitanaw niyānanosāp tahto piponwa, ēkosi ki ati nanihtāwikihēw okosisa mina otānisa: 31kahkiyaw māka okisikāma lēmik tēpakop tahtwāw mitāhtomitanaw mina tēpakohpomitanaw mina tēpakoposāp tahto piponwa, ēkosi ki nipiw.
32mina noa ki niyānanwāw mitāhtomitanaw tahto piponwēw, ēkosi noa ki nihtāwikihēw sēm, hām, mina cēpit.
Currently Selected:
cēnisis 5: KKMR
Označeno
Share
Copy
Want to have your highlights saved across all your devices? Sign up or sign in
This Bible text is a transliteration of a corrected edition of the 1908 Western Cree Bible; it is in the public domain.