یارادیلیش 1
1
دونیانین یارانماسی
1باشلانیشدا تاری گؤیلر و یری یاراتدی. 2یر شکئلسئز و بوش ائدی. درئنلئکلرئن اوستونده قارانلیق وار ائدی و تارینین روحو سولارین اوستونده دولاشیردی.
3تاری ددی: «ائشیق اولسون.» ائشیق اولدو. 4تاری گؤردو کی، ائشیق یاخشیدیر؛ و او، ائشیغی قارانلیقدان آییردی. 5تاری ائشیغا «گوندوز»، قارانلیغا دا «گجه» آدینی وردی. آخشام اولدو، سحر اولدو؛ بئرئنجی گون!
6تاری ددی: «سولارین آراسیندا بئر قوبّه اولسون و سولاری بئربئرئندن آییرسین.» 7تاری قوبّه‌نی دوزَلتدی و قوبّه‌نئن آلتینداکی سولاری، اونون اوستونده‌کی سولاردان آییردی. بله ده اولدو. 8تاری قوبّه‌‌یه «گؤی» آدینی وردی. آخشام اولدو، سحر اولدو؛ ائکئنجی گون!
9تاری ددی: «گؤیون آلتینداکی سولار بئر یره ییغیلسین کی، قورولوق گؤرونسون». بله ده اولدو. 10تاری قورولوغا «یر»، سو ییغینلارینا دا «دهنزلر» آدینی وردی. تاری گؤردو کی، بو، یاخشیدیر. 11تاری ددی: «یر اوزو بئتکئلر گؤیرتسئن؛ توخوملار ورن اوتلار و اؤز جئنسلرئنه گؤره توخومو میوهلرئنده اولان میوه آغاجلاری.» بله ده اولدو. 12یر اوزو بئتکئلر یتئردی: اوتلار اؤز جئنسلرئنه گؤره توخوم بئتئردئلر و آغاجلار اؤز جئنسلرئنه گؤره توخومو ائچئنده اولان میوه بار وردئلر. و تاری گؤردو کی، بو، یاخشیدیر. 13آخشام اولدو، سحر اولدو؛ اوچونجو گون!
14تاری ددی: «گؤی قوبّه‌سئنده چیراقلار اولسون کی، گجه-گوندوزو بئربئرئندن آییرسین. اونلار علامتلری، فصئل‌‌لری و گونلرله ائللری گؤرسدسئنلر. 15قوی اونلار گؤی قوبّه‌سئنده چیراق اولوب، یر اوزونه ائشیق ساچسینلار.» بله ده اولدو. 16تاری ائکی بؤیوک چیراق دوزَلتدی؛ گوندوزو ائداره اتمک اوچون بؤیوک چیراق، گجه‌نی ائداره اتمک اوچون کئچئک چیراق. تاری اولدوزلاری دا یاراتدی. 17و اونلاری گؤی قوبّه‌سئنه قویدو کی، یر اوزونه ائشیق ساچسینلار، 18گوندوزو و گجه‌نی ائداره اتسئنلر و ائشیق-قارانلیغی بئربئرئندن آییرسینلار. تاری گؤردو کی، بو، یاخشیدیر. 19آخشام اولدو، سحر اولدو؛ دؤردونجو گون!
20تاری ددی: «سولار چوخلو جانلی مخلوقلارلا قایناشسین، یر اوستونده، گؤی قوبّه‌سئنده قوشلار اوچسون.» 21تاری سویون بؤیوک حیوانلارینی یاراتدی، سودا قایناشان هر جور حرکت ادن جانلی مخلوقلاری اؤز جئنسلرئنه گؤره یاراتدی، هر جور قانادلی قوشلاری یاراتدی، هم ده اؤز جئنسلرئنه گؤره. تاری گؤردو کی، بو، یاخشیدیر. 22تاری اونلارا برکت ورئب ددی: «ثمره‌لی اولوب، چوخالین و دهنزلرده‌کی سولاری دولدورون. قوشلار دا یر اوزونده چوخالسینلار.» 23آخشام اولدو، سحر اولدو؛ بشئنجی گون!
24تاری ددی: «یر اوزو جانلی مخلوقلار اؤز جئنسلرئنه گؤره گتئرسئن؛ بَهئمه‌لر، سورونن جانلی‌لار و وحشی حیوانلار، اؤز جئنسلرئنه گؤره.» بله ده اولدو. 25تاری یر اوزونون وحشی حیوانلارینی، اؤز جئنسلرئنه گؤره، بَهئمه‌لری اؤز جئنسلرئنه گؤره و یرده سورونن بوتون جانلی‌لاری اؤز جئنسلرئنه گؤره یاراتدی. و تاری گؤردو کی، بو، یاخشیدیر.
26او واخت تاری ددی: «ائنسانی اؤز صورتئمئزده و اؤزوموزه بنزه‌ر یاراداق. قوی او، دهنزده‌کی بالیقلارا، گؤیده‌کی قوشلارا، بوتون یر اوزونده اولان حیوانلارا، و یر اوزونده سورونن مخلوقلارین هامیسینا حؤکمرانلیق اتسئن.»
27تاری ائنسانی اؤز صورتئنده یاراتدی،
اونو تارینین صورتئنده یاراتدی،
اونلاری کئشی و آرواد یاراتدی.
28تاری اونلارا برکت ورئب ددی: «ثمره‌لی اولوب، چوخالین و یر اوزونو دولدورون و اونو اؤزونوزه موطئع ادئن: دهنزده‌کی بالیقلار، گؤیده‌کی قوشلار، و یر اوزونده سورونن بوتون جانلی‌لار اوستونه حؤکمرانلیق ادئن.» 29تاری ددی: «باخ، یر اوزونده توخوم ورن بوتون اوتلار و میوهلرئنده توخومو اولان بوتون آغاجلارین میوه‌سئنی سئزه ورئرم. اونلار سئزه یئیه‌جک اولسونلار. 30یرده‌کی وحشی حیوانلارین، گؤیده‌کی قوشلارین و یرده سورونن مخلوقلارین هامیسینا، یعنی نَفَسی اولان بوتون جانلی‌لارا یمک اوچون بوتون یاشیل اوتلاری ورئرم». بله ده اولدو. 31تاری گؤردو کی، یاراتدیغی هر شی چوخ یاخشیدیر. آخشام اولدو، سحر اولدو؛ آلتینجی گون!
Currently Selected:
یارادیلیش 1: موقدس کتاب
Označeno
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.