Popular Bible Verses from Aposeli 2

Deli

Xe Pita muavuti la mukolinu tali'i noxi'a ne aloxo 'o, “Ngingi vilevilesi ngaxiu opongengi mo nga'ulo no anu ualasou Iesu Kalisito, mo sou Lataua ululusou susu noxinge, la ulosinge Uleenu Tavuna.

Ioxe, ane'i mixolu la ane'i xavine'i sou milomusou vaivaikala noxi'a ta aposeli noxou Iesu mo ipitapita utotomu sou ise'inu veleti sou i'ou xe ikikilaka ulai noxou Lataua.

La ane'i mi'ana'ana no anu Uleenu Tavuna mole ta mitema mukalusi ne misoko sou mivikala no anu vaivaikala iouiou. Xo Uleenu Tavuana muxolu noxi'a, la sou ane'i mimomomo sou mi'oxo aloxo ne.

Xe alaxu vilesisi 'o, la milomusou mii vile luluxu loxo atume toxoxa'a molu no opo loxotolo mulu'e mu'ana'ana no tani e ane'i mixolu no anu ne. Xe mimalei loxo 'o, la mimaisou mii vile loxo navu lamixu loxo itema levexu mulapau mulu'e muxolu no kisi'a momoxa'a ta mitema ne mukalusi. La ane'i mi'ana'ana no anu Uleenu Tavuna mole ta mitema mukalusi ne misoko sou mivikala no anu vaivaikala iouiou. Xo Uleenu Tavuana muxolu noxi'a, la sou ane'i mimomomo sou mi'oxo aloxo ne.

No voxovoxo utotomu ne, ane'i i'osa'osa sou ipitapita no nano no taasou lalotu tatila noxou Lataua, mo ise'ise'i veleti no taataasi'a vilevilesi mo i'ani ipita no anu opo manina. Mo i'itinu Lataua ualasou mo ta mitema ukalusi opone'i u'osasi'a kalumo. Xe Tila musukunu itiitisi'a ane'i ane Lataua upamauline'i utetelo no voxovoxo.

Anu muvikala aloxo 'o, ‘Lataua muvikala aloxo 'o, no anu voxo kalukaluxusou, la Eni anixiu Uleenu ulu'e noxi'a ta mitema ukalusi mo ta 'ili'ili'a ukalusi sou ipalomatana. Mo ta maulusi'a imaisou no ie'i tei mii loxo aipiepiena ane Lataua u'oxonu ili'i xe ta aululusi'a imaisou mii ane ne no anu aipiepiena.

Xe ane'i latala ane imuxamuxaxu tane'i noxou Iesu ne opone'i vilesisi la iveluvelu mimii noxi'a ngatongato'o. Mose'i noxi'a mi'italonu lialiaxa'a mo mi'ami'a sou ta mitema ilotonu xe ino'u lamolisou, la ilosi'a ta mitema ane'i ane i'a mimii uasi.

Ia 'ei ane ukilaka no anu Tila ualasou, la Lataua upamaulinu.’

Xe aso ne, uxali isivoxo mo so'io ne uxali lauoinu loxo sialu tei io, ka sou voxo tatila noxou Tila e lamanaxu ane tu'utu'umaxu musuku mo ta mitema imama'u no anu ne, uxali.