Popular Bible Verses from Ifyakutaŋga 21

Deli

Popele ŵaYawe ŵaliisile kuli Sala, koti nifyefyo ifi ŵaeŵele; kaŵili ŵaYawe walicitile kuli Sala koti nifyefyo ifi ŵalaŵile.

Popele ŵaLesa ŵaliumfwile isiwi lyamwanice; lomba iŋkalamba yaŵaLesa yalimwitile Aga ukufuma kwiulu ati: Nindo ulukusomenwa, Aga? Witina; pakuti ŵaLesa ŵaumfwe'siwi lyamwana ukwali ye. Ŵuka, wimyo' mwanice, umwikate muminwe yoŵe; pakuti ŋkamwalula akalukuli cikoto caŵantu icikulu.

Popele apo Sala waliimitile, nekumufyalila Ablaamu umwana umwalalume, lomba kale acekwile Ablaamu, pampindi iyo iyansicilwe iyamuŵulile ŵaLesa.

Popele Sala ati: ŴaLesa ŵansekesya; aŵantu ŵonse aŵakumfwa ŵakalukusekela pamo naneŵo.

Lomba ŵaLesa ŵalilaŵile kuli Ablaamu ati: Wisumina ati ciŵipe pamenso oŵe pakuti pamusaŋkwo'yu, napakuti pamusyakasi woŵe; ifyafyefyo fyonse ifi alaŵile Sala kuli weŵo, ukutike isiwi lyakwe; pakuti nimuli lsaci emo ŵaketilwa aŵana ŵoŵe.

Nakaŵili kumwana wamusyakasi nako ŋkaleŋge'cikoto caŵantu, pakuti ye mwana woŵe.