Priljubljene svetopisemske vrstice iz Mattha 6

Deli

Seek oot hïs Kïngdom an hïs righteousness furst o aa, an aa these ither thïngs wull tak care o thairsels.

Sae dïnnae fash yersels aboot themorra, fer themorra wull luk eftèr ïtsel. Iverie day haes eneuch bother o ïts ain.”

Sae A'm tellin ye, tak nae thocht fer yer life, whut ye'll ait or whut ye'll drïnk; ner yit aboot yer bodie, whut claes ye'll pit on ye. Is life no mair impoartin ner mait, an tha bodie mair impoartin ner claes?

But whan you pray, gang awa ïntae a ruim alane, shut tha dure an pray tae yer Faither ïn saicret. Then yer Faither at sees whut ïs daen ïn saicret, wull reward ye.

Sae thïs ïs hoo ye shud pray: ‘Oor Faither that bides Abain, Halie be yer name. Micht yer Kïngdom cum shuin, An yer wull be daen on irth Jist tha wye ït ïs Abain.

Gie iz theday eneuch breid tae dae iz.

An forgie iz oor debts, jist as we hae forgien tha yins that's ïn debt tae us.

An dïnnae róad iz ïntae temptation, but save iz frae tha wïckit yin, [fer yours ïs tha Kïngdom, tha pooer an tha glorie, fer iver an iver, Amen.]’

Fer ïf you forgie fowk whan the' dae wrang agin ye, then yer heivenlie Faither wull forgie you as weel.

Luk at tha burds o tha air; the' dïnnae sow ner reap ner hoord awa ïn barns, an yit yer heivenlie Faither feeds thaim. Ir yous no warth faur mair ner thaim?

Dïnnae hoord up fer yersels treysures on irth, whar moths an roost desthroy, an whar thiefs brek ïn an steal. But hoord up fer yersels treysures ïn heiven, whar nether moth ner roost can desthroy, ner thiefs brek ïn an steal. Fer whut ye thïnk tha maist o, wull aye be ïn yer hairt.

Naebodie can sarve twa maistèrs, fer ether he'll hait tha yin an love tha ither, or he'll stïck bye tha yin an thïnk naethin o tha ither. Ye cannae sarve baith God an Gowld.

An ïf that ïs tha wye God pits claes on tha gress o tha fiel, that's here theday an throwed ïntae tha fire themorra, dae you dooters no unnèrstan that he'll luk eftèr you anaa?

But whan ye gie ocht tae tha needie, dïnnae let yer left han ken whut yer richt han ïs daein, sae that yer giein micht be on tha quait. Then yer Faither, that sees whut ïs daen on tha quait, wull reward ye.

“Dïnnae mak a show afore fowk o onie guid yis dae, fer yer Faither ïn heiven wull gie yis nae reward fer that.

Whan ye fast, dïnnae luk doon In tha mooth as tha hippycrates dae, fer the' mak thair faces luk mïserable jist tae let fowk see the'r fastin. A tell ye tha truith, thïs ïs aa tha reward the'r gaun tae get. But whan ye fast, pit oiyle on yer heid an waash yer face, sae fowk wull no notysh that ye ir fastin; yer Faither but, wha ye cannae see, wull notysh; an tha Yin that sees whut ïs daen ïn hidlins, he wull gie ye yer reward.