Popular Bible Verses from MARIKUS 13

Deli

Ɓum ɓɛ̀cèm ɓɛ ri mìni ɓiì ɓèèzɛɛ ɓisu wɛ̀m, kìɓan kifog ŋwaànɛ à ɓiì sììrɛɛ à kpaŋ a rìsugtɛ̀n nnyɛɛ ɓiì ghɛɛ cɛɓ.

Konaghna, ɓì ki ɓa cem, lɛ ɓì yii ɓi fin innɛ cààmɛ̀n ki ɓiì kpaŋì.

Nni yɛ̀ɛ ɓɛ ɓiì ɓangii mini, ɓɛ sɔmɛ̀n mìni rì ɓɛ̀làmì lɛ ɓɛɛ yɔm̀ mìni, mɛ̀rem min mɛ̀ kɛɛ̀ log ki cɛɛcɛɛ̀rɛ̀n ɓi mùm rì com ki ɓì ɓiì kpaà, kìɓan kifog, kpaana lɔŋ com ki ki ri mìni ɓiì ɓɔghìì ɓi ǹɗem ɓi cààmɛ̀n à ɓɛ̀yɔ̀m, lɛ àa mìniìɓɔmiɗ yɛɛ ri ɓiì tòòghrɛɛ, lɔŋ Kìtɛntɛ̀ɛ̀n ki Nghay kɛɛ ri ɓiì tòòghrɛɛ.

Ɗyoo rì zi ɓi ri ɓiì lèegh, kìɓan kìfog ɓìɓan ɓyɛm̀ ɓyaa lèg ɓi.

Ŋwaàdɛŋ à yii ɓi gòn nsoò cààmɛ̀n kiǹ; nsoò ɓum ɓɛ titom ɓɛ aɗyoo, nsoò Man à Bɛ̀ll, àdɛŋ ànɛ ɓi ɓɔ à yii ɓi gòn inɛ̀n, lɔŋ Tààta cɛ̀ncii yɛɛ yii.

I ɓì woogh ɗi ɓɛɛ kpaakpaa ɓiɓan ɓi mɛ̀y, rì gom yi mɛ̀y mɛ mɛɛ̀ ɗùuɗuùrɛ̀n, kɛ̀ ɓi risi, lɛ ɓìɓan ɓiǹ ɓìcèm ɓi ghɛɛ̀sɛɛ kì kìlɛɛ, kìɓan kifog àa rìlèg ɗi zi ɗyɛɛ ri ɓiì ɓaà lɔɔ.

Fɔɔnnɛ kɔ̀riina cem, lɛ ɓì yii ɓi fin innɛ ŋwaàmɛɛ a ɓiì kpaŋì. À rì lɛ à kpaŋ cɛŋkò, nsoò lɛ rì ǹɗem-irù, nsoò lɛ di ɓɛ̀lem ɓaa rɔ̀ŋ, nsoò lɛ sariwa; ɓì konàg lɛ, kɛ̀ɛ ɓa lɛ à kpaŋ lɛ vuàs, à tanɛ̀n mìni di ɓì rì ɓi fìlo. Kìɓan ki ǹkpaa mìni ki, ǹkpaa kɔ ɓisuu ɓum ɓɛ̀cèm: Kɔ̀riina cem.

Ki ɓiì ɓaà lɛ, ɓumɓɛ ɓi tum a zi anɛ, ɓɛ ram wɛ̀y ri ɓɛ ɓi tum a zi ambog, ɓɛ ɓi kìlɔ̀ŋ ki ɓɛ ram wɛ̀y ri ɓɛ ɓi kìlɔ̀ŋ kimbog, fɔɔnnɛ zi i ɓiì kìi lɛ rì foo ì nyɛ̀ŋɗɛ̀n; rì foo ì nyɛ̀ŋɗɛ̀n, zày ì ki kìki jàŋ jàŋ. Ɓìɓan ɓiǹ ɓi ɓiì ɓaà rìtumɛ̀n ɗi mɛtɔɓ.

Kìɓan ki asu ki ki ghɛɛ̀sɛɛ kì kìlɛɛ ki ri ɓiì ɓaà lɛ, Syeesyee à Ɓɔlɛ a ka kalɛn ɓi ɓɛ̀tum ɓɛ zi ɓɛ̀cèm.

Ɓisuulɛ ɓum lɛɛ̀gwey ɓɛ ɓiì yùu ri ɗii ɗyɛ̀m, rì ànɛn miì à kpaa lɛ mɛ̀ yɛɛ ri Kiris, ɓɛ ki rì ɓiì syòŋi ɓum lɛɛ̀gwey.

Konaaghna rì mìniìɓɔmiɗ lɛ ɓum ɓɛ ri ɓiì kɛ̀ɛ ri mìni ɓi ɓìkpanà ɓi ɓɛyɔ̀m, ɓɛ ki ɓog mini kìtòn ɓi naa yi bɔ̀ŋzɛ̀n. Ɓì ɓiì rɛlii ɓɛyɔ̀m ɓi mis mɛ ɓɛ̀gɔmìnà rì ɓi mis mɛ mɛfòm, ɓisuu kiɓan kɛm̀ lɛ ɓi resi ɓɔ saaɗ ànɛ miì.

ɓisuulɛ ɓɛ̀-kiris ɓɛ ɓɛpwàà, rì ɓɛ̀pwààpwaà ɓɛ ɓɛkpaŋzì-ɓìɓan ɓɛ ɓiì yùu, ɓɛ kikì lɛ rì dàm yi ɓiɓan rì ɓɛ̀koŋnyoo ɓɛ ɓiɓan ɓi lèg ànɛ lɛ, i kaa rì lɛ ki kilɛ̀n, ɓɛ ri lɛ ɓɛ syoŋ̀ nsoò ɓumɓɛ ɓɛ ri ɓɛ̀ɓɔ̀nɛn.

Ajɛ̀m ì ɓìɓeɓtàg ɓi mɛru ɓìn, kìsaa ki ŋwos ki ri kpìi gɛ ɓirìm, ŋwii kɛ̀ɛ lòmdi. Tyɔɛy tì kɔɔ̀kɔ̀sɛ̀n yì aɗyoo, di tyɛɛ̀ kpìkpì, mɛ̀tèɗ mɛ ɓi ɗyoo mɛ nyɛŋɗɛ̀n.