Priljubljene svetopisemske vrstice iz Naṉ. 1

Deli

Nuyá̱ Yus chichaak “Yamaikia Iiya jú̱nin métektaku aents najanatai. Tura aentska namaknasha nanamtinniasha taṉkuncha yajasmancha tura nuṉká japinias yujá ainia nunasha mash núpeteaku ártí” tímiayi. Tura Yus Niji̱a̱i̱ métektakun aentsun, áishmaṉnasha nuwa̱ncha najanamiayi.

Tura najana umik shiir pampartinnium yúmiṉkiak “Tí nukap pampaṉtarum. Túrarum ashí nuṉkanam pampaṉkrum akupin atarum. Kame namaksha nanamtincha taṉkusha kuntincha ashí yajasmasha ántsaṉ nuṉká japinias yujá ainia nusha nupetin atarum” tímiayi.

Yama naṉkamtaik mash atsuiniai̱ Yuska nayaimpincha nuṉkancha najankarmiayi.

Tura núṉkaka peṉké atsáa nekaachmin pachimnaikiauyayi. Aya kúnak téeyayi. Tura Yusa Wakaní̱sha entsá pátatek pujuras muchitmiayi.

Nui̱ṉkia Yuska “Tsáapnin atí” tímiayi. Takui̱ tsáapnin ajasmiayi.

Tura Yus ni najankamuri̱n mash iis “Pai, yamaikia nekas tí peṉkeraiti” tímiayi. Nui̱ kashi tsawai̱ji̱a̱i̱ sais tsawant ajasmiayi.

Tsáapninian wainiak Yuska “Péṉkeraiti” tímiayi. Tura tsáapninniasha kiritniuja̱i̱ akankámiayi.

Nuyá̱ chicharainiak “Antuktarum, ashí jiṉkiaintin ainia nuna tura ashí numi nere̱n ainia nunasha átum yuátarum tusan amaajrume.

Nú tsaapninian “tsawái̱” anaikiamiayi. Tura nu kiritniunka “kashi” anaikiamiayi. Nui̱ kashi tsawai̱ji̱a̱i̱ emka tsawant ajasmiayi.

Nuyá̱ Yus chichaak “Entsá ajapén nakaak áṉkanniuk juaktí tura entsasha kanakarti” takui̱ núnis túrunamiayi.

Núnisnak yajasmancha ashí nanamtinniasha nuṉká japinias yujá ainia nunasha ashí núkentin ainia nuna nuke̱n yuáwarti tusan suíniajai” takui̱ núnis túrunamiayi.

Nuyá̱ Yus chichaak “Nayaimpiniam áṉkanniunmaṉ nuṉká sukúak tsáapin awajin iruniarti. Nuja̱i̱ tsawái̱ káshiji̱a̱i̱ akanák tsawantcha nantusha uwisha nekapmatai̱ ártí” tímiayi.

Nuyá̱ Yus chichaak “Nuṉkanam náṉkamas nupa̱sha numisha tsapakarti. Tura jiṉkiái araamsha tsapái̱ núninniak neren ártí” takui̱ núnis túrunamiayi.

Tura Yus áṉkanniuk awajsámiayi. Túrunamtai entsa nuṉkaani̱sha tura yakiní̱sha juákmiayi.

Nupa̱sha núninniak tsapakarmiayi tura numisha nere̱n armia nuka tsapainiar núninniak jiṉkiaintinian nerekarmiayi. Nuna Yus iis “péṉkeraiti” tímiayi.

Yus etsanniun jímiaran mái̱ uuntnak najanamiayi. Etsa̱nka tsawái̱ kakaram etsantin atí tura kashi nantunka kashi májattaku etsantin atí tusa najanamiayi. Núnisaṉ yaancha najankamiayi.

Nuyá̱ Yus chichaak “Nayaim nuṉkaani̱ entsa ana nu irunati tura nayantsanmaya̱ ju̱ju̱ptin jiinti” takui̱ túrunamiayi. Tura Yus ju̱ju̱ptinniaka “nuṉka” anaikiamiayi. Núnisaṉ entsa irunanka “nayants” anaikiamiayi. Nuna iis Yuska “péṉkeraiti” tímiayi.

Tura nuna pampaṉtinnium yúmiṉkiak chichaak “Entsaya̱tirmeka entsá pampaṉkrum piaktarum. Núnisaṉ nanamtinkia kukaraani̱ kampunniunam pampaṉkarti” tímiayi.

Nuyá̱ Yus chichaak “Kampunniunmaya̱sha taṉkusha tura nuṉká japinias yujá ainia nusha ní weak nuṉkaya̱ṉ jíintrarti. Tura núninniak pampaṉkarti” tímiayi. Nuna takui̱ núnis túrunamiayi.

Nuyá̱ Yus chichaak “Entsá yujasha ártí tura núnisaṉ nanamtin ainia nusha iruniarti” takui̱ tímiatrusaṉ túrunamiayi.

Kame Yuska kampunniunmaya̱ yajasmancha nú weanak tura taṉkuncha núninniak nuyá̱ japinias yujá ainia nunasha núninniak najankamiayi. Tura Yus nuna iis “péṉkeraiti” tímiayi.