Popular Bible Verses from Markus 14

Deli

Hee säd: Voda, leewa Voda, bie die es aules mäajlich; nemm mie dit Liedenskuffel wajch; un doch saul daut nich soo sennen aus ekj well, oba soo aus du west!

Woakt un bät, daut jie nich en Vesieekjunk faulen! De Jeist es wellich, oba daut Fleesch es schwak.

Ekj saj junt de Woarheit: Wuaemma daut Evangelium en dise Welt woat jeprädicht woaren, woat nich vejäten woaren to sajen, waut see jedonen haft.

Dan säd hee to an: Miene Seel es en Doodestrua; blieft hia un woakt!

Un wäarent see eeten, neem Jesus Broot, dankt doafäa un bruak daut, jeef siene Jinja daut un säd: Nämt un ät daut; dit es mien Kjarpa.

Dan neem hee uk daut Kuffel un dankt doafäa un jeef an daut; un see drunken aula doarut. Hee säd: Dit es mien Bloot vom nieen Bunt, daut fa väle vegoten woat.

Jesus säd to an: Jie woaren junt dise Nacht aula äwa mie oajren un mie veloten, wiels daut steit jeschräwen: “Ekj woa dän Hoad schlonen un de Schop woaren uteneenranen.”

Stot opp, well wie gonen! Kjikjt, dee mie veroden deit, es hia.

Jesus säd: Ekj saj die de Woarheit: Vondoag, ea de Hon dise Nacht tweemol jekjreit haft, woascht du die aul dree mol von mie loosjesajcht haben.