Popular Bible Verses from Johanes 15

Deli

Ekj sie de Wienstud, un jie sent de Ranken. Wäa en mie blift un ekj en am, dee brinjt väl Frucht. Onen mie kjenn jie nuscht doonen.

Blieft en mie, un ekj woa en junt bliewen. Soo aus eene Rank nich Frucht brinjen kaun, wan dee nich aune Wienstud blift, soo kjenn jie uk nich Frucht brinjen, wan jie nich en mie bliewen.

Wan jie en mie bliewen un miene Wieed en junt bliewen, dan froacht no waut jie wellen, un junt woat daut jejäft woaren.

Jie haben mie nich jewält, oba ekj hab junt jewält un aunjestalt, daut jie gonen un Frucht droagen, Frucht, dee doa bliewen woat. Dan woat de Voda junt jäwen, om waut jie en mienem Nomen bäden.

Kjeena jeft mea rom om dän näakjsten aus dit, daut hee sien Läwen fa siene Frind jeft.

Aule Ranken aun mie, dee nich Frucht droagen, schnitt hee auf. Oba aule Ranken, dee doa Frucht droagen, reinicht hee, daut dee mea Frucht brinjen kjennen.

Dit es mien Jeboot, daut jie junt unjarenaunda soo goot sent, aus ekj junt goot sie.

Mien Voda woat doaderch jeieet, wan jie väl Frucht brinjen un miene Jinja woaren.

Ekj sie de rajchte Wienstud, un mien Voda es de Wiengoadna.

Wäa nich en mie blift, dee woat soo aus eene Rank wajch jeschmäten. De wajch jeschmätne Rank vedrieecht. Dan woat dee oppjesaumelt un em Fia jeschmäten un vebrent.

Ekj hab junt dit jesajcht, daut miene Freid en junt bliewen mucht, un daut jie junt gaunz freien kjennen.

Wan jie miene Jebooten hoolen, woa jie junt von mie goot sennen loten, jrod soo aus ekj mienen Voda siene Jebooten hool un mie von am goot sennen lot.

Dit Jeboot jäw ekj junt: Siet eena dän aundren goot.

Wan jie noch von dise Welt wieren, wudd de Welt daut äaje goot sennen. Nu sent jie oba nich von dise Welt, wiels ekj junt doa rut jewält hab, un doawäajen kaun de Welt junt nich lieden.