Popular Bible Verses from Johanes 13

Deli

Ekj jäw junt een nieet Jeboot, jie sellen junt unjarenaunda goot sennen, krakjt soo aus ekj junt goot jewast sie. June Leew fa eenaunda saul jrod soo groot sennen, aus miene Leew fa junt. Wan jie Leew unjarenaunda haben, woat aulemaun seenen, daut jie miene Jinja sent.

Un wan ekj, jun Har un Liera, junt de Feet jewoschen hab, dan sell jie junt uk unjarenaunda de Feet wauschen. Ekj hab junt een Biespel jejäft, daut jie uk soo doonen, aus ekj junt jedonen hab.

Jesus säd to am: Waut ekj nu doo, vesteist du nu noch nich. Du woascht daut oba nohäa vestonen.

Ekj saj junt gaunz opp iernst: Een Kjnajcht es nich jrata aus sien Har, un dee doa jeschekjt es, es nich jrata aus dee, dee am jeschekjt haft.

Wan jie dit nu weeten, dan sent jie seelich, wan jie daut uk doonen.

Dan stunt hee vom äten opp, läd siene Kjleeda tosied un bunk sikj een Haunduak om. Hee goot Wota en eene Komm, un funk aun, de Jinja de Feet to wauschen, un drieejd dee met däm Haunduak, daut hee sikj omjebungen haud.