Priljubljene svetopisemske vrstice iz Lugu 23

Deli

Jeju pana: Bɔm, ar məəi oso lemsé dɔ dee’g mbata né gə́ deḛ ra lé deḛ gər rəbee el. Tɔɓəi deḛ kai na̰ kubuje ləa d’ɔs ne mbarè.

Jeju ndigi təa’g pana: Ma m’ulai kankəmta təsərə ya, ɓogənè ɓa i a si səm na̰’d paradis ya.

Tɔɓəi yeḛ tel təa ula Jeju pana: Loo gə́ i a gə teḛ mee ɓeeko̰’g ləi ndá ar məəi olé dɔm’g ya kari.

Yen ŋga Jeju ila boo-ndia naŋg ra né wəl pana: Bɔm, m’ya̰ ndiləm meḛ jii’g ya. Loo gə́ yeḛ pa bèe ndá təa udu rub ya tɔ.

Loo gə́ deḛ teḛ loo gə́ deḛ ɓaree Loo-ka-dɔ-dəw lé ndá deḛ ɗaree keneŋ gə dəwje gə́ njéra némajelje joo lé na̰’d ar yeḛ gə́ kára to gə́ dɔ jikɔlee’g ləm, yeḛ gə́ kára to gə dɔ jigelee’g ləm tɔ.

Kàr aar daŋdɔ bèe ya ndá loondul dəb rigim dɔ naŋg nee gə loo njal-njal saar ar kàr tel ne rəa gə mbɔree. Kàr ndul njudu-njudu ləm, kubu gə́ gaŋg ne mee kəi-Ala lé kara riba dana njal teḛ ləm tɔ.

Loo gə́ ɓé-njérɔje oo né gə́ teḛ togə́bè lé ndá yeḛ pidi Ala pana: Tɔgərɔ ya, dəw neelé to gə́ njemeekarabasur ya.