Popular Bible Verses from Lukasi 3

Deli

Masano lowono mia siire umari medinolo, i Yesu mboꞌu hawe kano dinolo. Ka tekonaiNo mekakai langi tewungge, ka Penao Mempori metii ai wawoNo menggena manu-manu marapati. Ka terongoi pauRo Ue Ala motae, “Ikoto AnaNggu henu Kupehohawaꞌo. Ikoto henu mokomangaꞌuo aroaNggu.”

Oto kano potae i Yohane ndi umboro, “Iaku dumolo komiu ako uwoi, kanggo minggi hawe mia henu takau langkai pabawaNo kaseko iaku. Sekonopo mowowo onggono sipatuNo mboꞌu iaku lano koono. Umono minggi dumolo komiu ako Penao Mempori ka apui.

Pokoꞌenaho ai laro tinuwumiu bano ikomiuto tesisi umbu winowaumiu henu mosaꞌa. Indo koaraꞌaraa, ikomiu lano dinosa akono ikomiu inuleno i Burahima. Pewowoloꞌo, umbu ai wasu-wasu nie Ue Ala poli mowowau mia gagi inuleno tiano i Burahima.

PodosaRo Ue Ala menggena ndamu henuto tepalena minggi pontuehi kau hawe ai haka-hakano. Lowono kau henu lano moiko wueno minggi tinuehi ka sinunu.”

Mbio henu winowauno i Yohane menggena henu teꞌuki ai surano nabi Yesaya, “Nio mia kokora-kora ai konde one, Palenaꞌoto sala tiaRo i Ue, pokomomoliꞌo sala tiaRo. Lowono bangkano minggi hinowui, lowono tamungku ka mungku pinoko melembo. Sala henu monggedo-nggedo pinokomomoli, ka sala henu mebingkoso hinowui. Lowono mia aso wawontolino minggi sumueꞌo Mpupongkadudui umbu ndi Ue Ala!”