Popular Bible Verses from THUFIM 1

Share

Pathian ṭihzah cu fimnak ih hramthoknak a si, Mi aa pawl in fimnak le zirnak kha ziang an siar lo. Ka fapa, na nu le na pa ih simmi thu kha ṭhatein ngai aw.

Ruahnak mal deuh pawl in fimnak an hnon ruangah an thi, Mi aa pawl cu an daithlannak in a siatsuah a si. Asinain ka thu a ngaitu pawl cu an him ding ih, ṭihphannak zianghman an nei lo ding.

Hi thufim in mifim pawl kha an fimnak a karhter ding ih, Mithiam pawl khal lam a hruai ding a si.

Ka fapa, misual pawl in an lo lemsiah tikah lung aw hlah.

David fapa, Israel siangpahrang, Solomon ih thufim tla: Fimnak, ruahnak ṭha le thudik simmi theih theinak na neih theinak dingah a lo bawm theitu ding thufim a um a si. Cuih thufim cun umtlan thiamnak le dingnak, Fimkhur zet le tlaitluang zetih nun theinak a lo zirh ding. Ruahnak mal pawl kha a fimter thei ih, Mino pawl kha theihthiamnak le ruahthiamnak a pe.

Cutik ahcun in ko ding, Asinain ka lo sawn lo ding; Hmunkip ah in hawl ding naón in tong lo ding. Thutheihnak cu nan hua ih, Bawipa ṭihzah cu nan hril lo a si.