Priljubljene svetopisemske vrstice iz मत्ती 5

Deli

थेमे बत्ती पारला च्‍याला सुङगीङ फामगी उप्‍ला मोज्‍योओ बरू खाम्‍बे नाङ गाङेकी नाम्‍दाक थोङस्‍यीत सिन खइँसाला थोम्‍बोला ज्‍य्‌वाक्‍यो, मेन ओना? बात दोक ईन्‍देकी ख्‍योकोनगी लेमु काम खि। ख्‍योकोनगी खाबाते लेमुते काम थोङला परमेश्‍वरगी खित्‍सादुराङ ख्‍योकोनगी थोक खाबाते ईन सिन छ्या स्‍येला मिओनगी स्‍वर्गने देत्‍कान्‍ते ख्‍योकोन आबा परमेश्‍वरला मान खिओ।

दि सा लुङबे मि दोन्‍दु नाम्‍दाक सिरातेङ ख्‍योकोनराङ ईन। बोमगी लाक्‍तु जोबाते सार गाङेपेकी गाङेकी थोङगो।

सेमला पाप मेताते मिओन भाग्‍यमानी ईन। च्‍यिला सासीन थेबेकी परमेश्‍वरला थोङा ङेत्‍क्‍यो।

परमेश्‍वरगी खि साबा साबाच्‍योक खिता आउदी सेम खित्‍कान्‍ते मिओन भाग्‍यमानी ईन। च्‍यिला सासीन परमेश्‍वरगी थेबेकी सेम खाबा च्‍योकराङ ओङ ज्‍युत्‍क्‍यो।

ङाचेन ख्‍योकोनला च्‍यि सिते सासीन युल्‍बालाकामा मेन, शत्रुओनलाङ ङिङज्‍ये खि। थेमे खेराङला खेदापानी खित्‍कान्‍ते मिओनलाङ लेमु ओङस्‍यीत सिन परमेश्‍वरताङ प्रार्थना खि सिन सिओ।

थेकी थेबाला “ङा ङाराङ ईन सिराच्‍योक मिक्‍किता खाला परमेश्‍वरला मद्धत नाङ सिरकान्‍ते मिओन भाग्‍यमानी ईन। च्‍यिला सासीन थेबा स्‍वर्गे राज्‍यदु स्‍यूला थेरू देता ङेत्‍क्‍यो।

ज्‍येनला डिक्‍पा खाला तेरकान्‍ते मिओन भाग्‍यमानी ईन। च्‍यिला सासीन परमेश्‍वरगी थेबाला थे खोरोङ फुज्‍युङ फुमु ईन सिओ।

पापताङ दुक्‍पेकी खित्‍सादु पीर खित्‍कान्‍ते मिओन भाग्‍यमानी ईन। च्‍यिला सासीन परमेश्‍वरगी थेबाला पापताङ दुक्‍पादुकी टाल्‍ला तेरग्‍यो।

परमेश्‍वरगी खि साबा साबाच्‍योक खित्‍जीन ज्‍येनगी खेदापानी खाबाते मिओन भाग्‍यमानी ईन। च्‍यिला सासीन थेबा स्‍वर्गे राज्‍यदु स्‍यूला थेरू देता ङेत्‍क्‍यो।

ज्‍येनला ङिङज्‍ये खित्‍कान्‍ते मिओन भाग्‍यमानी ईन। च्‍यिला सासीन दोक खित्‍कान्‍ते मिओनलाराङ परमेश्‍वरगी ङिङज्‍ये खिओ।

थेमे ङाला विश्‍वास खाबेकी खित्‍सादु ज्‍येनगी ख्‍योकोनला मेलेबा मि ईन साला मनपरी सिओ, ख्‍योकोनला खेदापानी खिओ थेमे ईनराङ मेन्‍दे बात जोला ख्‍योकोनला मेन्‍दा मेन्‍दे दोष लै खिओ। दोक्‍ते दुक्‍पा ङेत्‍कान्‍तेबा ख्‍योकोन भाग्‍यमानी ईन। थेबेकी थोक खित्‍जीन ख्‍योकोन आउदी खाला गा खि। च्‍यिला सासीन स्‍वर्गने ख्‍योकोनगी छ्येज्‍यीक इनाम ङेत्‍क्‍यो। थाङबोबा परमेश्‍वर बात खित्‍कान्‍ते मिओनलाङ थे बेले मिओनगी खेदापानीराङ खाबा ओतान।

सुङलाङ मेलेबा मिक्‍किकान्‍ते मिओन भाग्‍यमानी ईन। च्‍यिला सासीन दि सा लुङबा गाङे थेबेतेराङ ओङगो।

थेमे दि सा लुङबे मि दोन्‍दु ख्‍योकोनचेन छा च्‍योक्‍ते ईन। तर दि बात टोक माज्‍येत। छेते छाप्‍टो तोरसीन थे छेते च्‍यि काम, याङराङ च्‍यिकी थे छा छाप्‍टो जोच्‍ये? दोक्‍ते छानी छ्याःङ काम लै मिक्‍किओ सिन क्‍युरग्‍यो। थेमे क्‍युरसादु गाङेकी ङेन्‍ला झन छ्याःङ काम लै मिक्‍किच्‍या जोइओ।

बात दोक दोक ईन्‍देकी स्‍वर्गने देत्‍कान्‍ते ख्‍योकोन आबा परमेश्‍वरगी जे कुरोङ लेमुकामा खाबाच्‍योक खाला ख्‍योकोनगीङ लेमुकामा खि।

थोगी ख्‍योकोनगी ईन्‍दे बातला ईन सि, मेन्‍सीन मेनकामा सि। दोक मिक्‍किता खाईन खइँदा बातला ना क्‍याल्‍सीन थोकचेन शैतानगी खित च्‍युताते ईन।

स्‍येदाङ सेत्‍च्‍येते बात खिन ‘सुइँदेकी ज्‍येनगी मिकज्‍यीक च्‍यारसीन थेतेङ मिकज्‍यीक च्‍योरा ङेत्‍क्‍यो। साज्‍यीक च्‍याक्‍सीन थेतेङ साज्‍यीक च्‍य्‌वाबा ङेत्‍क्‍यो,’ सिन ङुरूङ ज्‍युज्‍यु पुर्खाला लापाते बादोङ ख्‍योकोनला छ्याराङ ओत। ङाचेन ख्‍योकोनला च्‍यि सिते सासीन सुइँदेकी खेराङला मेलेबा खासीन ख्‍योकोनगी थेबाला स्‍येदाङ मासेत। बरू सुइँदेकी खेराङला सामे डाम्‍पापा डाम्‍स्‍याकज्‍यीक ग्‍याप्‍सीन ख्‍योकोनगी थेला ज्‍येनते डाम्‍पाङ सेत्‍ला बिन।

थोगी खेराङ सामे मिगी तासादु पाप खासुङ सासीन ख्‍योकोनगी थे मिकराङ थेन्‍ला क्‍युर। मिकज्‍यीगी खित्‍सादु नरककुण्‍डमा स्‍यूक्‍पा भन्‍दानी काने गाल्‍ला देता काल्‍बेई लेमु ईन। थोकराङ खाला खेराङ सामे लाक्‍पेकी खित्‍सादु पाप खासुङ सासीन ख्‍योकोनगी थे लाक्‍पाराङ तुप्‍ला क्‍युर। लाक्‍पाज्‍यीगी खित्‍सादु नरककुण्‍डमा स्‍यूक्‍पा भन्‍दानी डुँरे गाल्‍ला देता काल्‍बेई लेमु ईन।