Priljubljene svetopisemske vrstice iz Matius 9

Deli

Enabwa adigat imbita lagagirik, At ane welagwi menda ako yugirigya dugwit, “Enggen yugup wisane aga ovara, mbalisagwi menda it eneyave ambukum atma, At enggen yugup andok agarik Ala akoen it ap enggen mbalisagwi menda lakbisa warupwak yiluk, yugugu dogones o,” yiluk, yugeragagi.

Andi ndatak, Anen it ap ‘An sek,’ ombasagwi menda eneyanggup yugeragiluk wagatek. Ata, it ap weyak ogasagwi menda andiat eneyanggup yugeragiluk wagagis. Ala en iri dugwit, ‘Henanggom ndomba warogo nake belagwi ako andi, An hogop ombasigadek. Ata, avakwa enabwa en sek okbisaup andi, An, “Ai,” imbita dugwit sek okbisaup, ombasiga o,’ yiluk, yagagi dirup warek ako, adem des erogo mamulhedelales,” yiluk, yugeragagi.

Ogarit nagu dugwit, avakwa wam ndomba enasin vagenombogo eyave dek ovagak atma, anggin-mbanggin enovaga agarik ako, saen yonggar-inisabuk il inigu lagagirik, enabwa adigat imbitigi.

Yugurugwi ako At Yesus aruk hunggu lagagirik, yugirigya dugwit, “It aup idudek halok andi, ap dokter adema laup ombasagwidek. Ata, aup idup halok andi sek oknerapwak yiluk, dokter adema laup ombasagwi.

At Yesus o kota ombokma inim, o madukma inim yanonggegek-ndanonggegek lagya dugwit, it samban ogasagwima wene mamulirigya, Sek Wene At mbogot vaga menda avema bisaup wene ako avakwa yugirigya, it aup adem adik-adik menda inim, eneyave idup-mbidup menda inim, sek oginipu, ogarit nagu lagagi.