Popular Bible Verses from मत्‍ती 3

Deli

तुमारे कामन ते जि पतौ चलनों चहिऐं कै तुमनें अपने पापन ते मन फिराय लियौ है।

और तबई आकासबानी भई, “जि मेरौ प्यारौ बेटा है जाते मैं भौत खुस हूं।”

और ईसू बपतिस्मा लैके जैसेई पानी में ते निकरौ और बाई समै आकास खुल गयौ, और बिन्नें परमेस्‍वर की आतमा कूं ईसू के ऊपर कबूतर कि तरैह उतरते भए देखौ।

“मैं तुमें पानी ते बपतिस्मा दै रयौ हूं जाते जि पतौ चलै कै तुमने अपने पापन ते मन फिरा लियौ है। पर मेरे बाद जो आयबे बारौ है बू मोते जादा तागतबर है। और मैं तौ वाके जूतान नेंऊ उठायबे लायक नांऊ। बू तुमें पबित्र आतमा और आग ते बपतिस्मा दैबैगौ।

देखौ, अब कुल्हाड़ी पेड़न की जड़ पै धरीए, जामारै जो कोई पेड़ अच्‍छौ फल नांय लाबत बू काटौ जातै और आग में झौंकौ जातै।

जि बेई यूहन्‍ना है जाकी चर्चा परमेस्‍वर की बात बताबे बारे यसायाह नाम के आदमी ने करी हती। “बेहड़ में एक पुकारबे बारे की अबाज सुनाई दै रयी है, ‘पिरभू के आयबे काजै आपने मन कूं तैयार करौ जाते पिरभू के आयबे कौ रस्ता सीधौ है जाय।’ ”