Priljubljene svetopisemske vrstice iz Matius 10

Deli

“Tandaiꞌeomu! Atumudukoomu kumalaomu nada dhumba monaleno damesua ne wunta-wuntando daꞌu ngkahoku. Dadiꞌanomo tabeano mengkowaweomu nada ule bhe naelaa lalomiu nada dhaadhaha.

Laꞌae so potaamiꞌano inawano, namiinae inawano. Tamaka laꞌae miinaeno inawa mbaꞌinomo noangkafi Idi, tetewei namehapi dadi mpuuno.

Koise moteꞌiomu ne mie mepongkono mbadha tamaka miina dakokuasa daepongko alusu. Ampamo kaowu moteꞌiomu ne Anoa kokuasano fofobinasano naetaa alusu naetaa mbadha weo narakaa.

Laꞌae so pata tumongkuno sau salipuno maka namangkafi kanau, pae namantasia so Idi.

Laꞌae mangakuno ne wisendo manusia putae anoa noangkafi Idi, aꞌumakuiꞌe dua te wiseno Amaku te surugaa. Tamaka laꞌae gumagano ne wiseno manusia putae anoa miina namangkafi Idi, agumagaiꞌe dua ne wiseno Amaku te surugaa.

Fekaꞌosadaomu mie mosaki, fowanudaomu mie mate, fekaꞌuhidaomo mie kokuli modaino, folimbadaomu seetani. Kosasawiꞌae ini awaeꞌomu miina umolieꞌomua, dadiꞌanomo tafowaꞌaomoomu dua.

Dadiꞌanomo koise moteꞌiomua, noliuꞌe hintimiu itu bhe kawaindo rone.

Koise kofekihiomu hatoku ini aeowa pometaa te dhunia. Ahato miina aeowa pometaa, tamaka o kampue ⸤ maꞌanano powengke-wengkeꞌa⸥ .