Priljubljene svetopisemske vrstice iz Matayo 7

Deli

“Lombeni nenyo mjepata, hadeni nenyo mjeona na daheni nenyo mjerughuriro.

Kwani kila mundu elombagha upatagha, naye ehadagha uonagha, naye edahagha urughurirogho.

“Kila mundu esikilagha malagho agha ghangu na kughadea, nimufwananisagha na mundu mlachu awaghale nyumba yake kele iwe.

Wadeileni wandu wazima selyi mushaile wamudeile inyo. Kwani iyi niyo Sheria ya Musa na mafundiso gha wana tondolo.

Ela mjango ghughenda kele umana ni msuse na ngila yake yanakulile; na weionagha ni wachache.

“Ngileni kwa mjango msuse; kwani mjango ghongila kuhaiteni ni mshabwa, na ngila yanawanguwe ighendagha kuhaiteni na awo weighendelagha ni wengi.

Ndamu inyo muo walaghelaghe mwamanya kuwahawa wana wenyu vindu valoli. Sikuchumba Tatio ewo mlunguni kuwahawa vindu valoli awa wamlomba!

“Simwataghanye, nenyo simojetaghanyo ni Mlungu. Kwani selyi kwenyi mtaghanyagha niko kwenyi mtaghanyogho ni Mlungu, na kipimo chilya mpimagha nicho chenyi mpimilogho ni Mlungu.

Na kila mundu esikilagha malagho agha ghangu na kulegha kughadea, nimfwananisagha na mundu mpumbavu awaghale nyumba yake kele msanzaghala.

Kudani uonagha kilaghulu chio kele iziso lya wakwenyu na somanyagha kigogo chio kele iziso lyako? Ango udimagha ije kumuza wakwenyu, ‘Sigha nikufunye kilaghulu chio kele iziso lyako,’ nawe mwenyi uwo na kigogo kele iziso lyako?

“Kulindeni na wana tondolo wa ndimi awa wemjilagha warwara marwari gha ng'onzi, ela amweni kwawe ni turugha zibile. Mjewamanya kwa madeo ghawe. Ado wandu wanawahagha zabibu kele miya ango tini kele malamata?

Kwa hung'u mwiti ghwaloli kele uloli ghwake ghwanavalagha mavalo ghaloli, ela mwiti ghuwase kele kuwasa kwake ghwanavalagha mavalo ghawase.

Mwiti ghwaloli sighudimagha kuvala mavalo ghawase; hata mwiti ghuwase sighudimagha kuvala mavalo ghaloli.

Kila mwiti sighovalagha mavalo ghaloli ghutemogho na kukumbo motoni.