Priljubljene svetopisemske vrstice iz Uan 21

Deli

Nu ntabu wan Isus ay at ngay tagadal nu kon, Isus nainto sas Simun Pedru te, “Simun, Uan at baguwama, go kesug tuwo angku glabi yay sanya fagayu?” Ay Simun nabalus te, “Kin, ku Fun. Nasaful wo te, kesug aktuwa emu.” Ay Isus nasugu te, “Tanudi ku ngay tupa.” Ay at faduwa ginan Isus nainto sas Simun te, “Simun, go kesug tuwo angku?” Ay Simun nabalus yay fiya te, “Kin, ku Fun. Nasaful wo te, kesug aktuwa emu.” Ay Isus nasugu yangay te, “Tanudi ku ngay tupa.” Ay Isus nainto yangay at fatulu ginan sas Simun te, “Simun, go kesug tuwo angku?” Ay Simun kabalu, anway sas Isus at naintoan anya tulu ginan te, “Go kesug tuwo angku?” Ay Simun nabalus yay fiya te, “Ku Fun, nasaful wo fagayu nus nge wain. Ay nasaful yangay o te, kesug aktuwa emu.” Ay Isus nalong te, “Tanudi tuwa ku ngay tupa.

Matuyan iglong aw emu te, kaduge o mabaguwama, mafasulun yay o am balukas mandi. Ay maalo yay o nus nganday am fakaumsigun. Ay roro nu mafufuwama wa ban o, gfalugde ban o am take. Ay am iba way ban tagfasulun emu am balukas, ay e tumaban ban emu sa am fagyudun kaumsig fag talun.”

Ay Isus nasugu te, “Ukasi yangay ay fanggamat uyang sas siyun baliwa fag day balutu, ay gfafabul wa ro am.” Ay at ngay tagadal nafaning wa fiya, ay at kayuwan at nafabul, wa mafaguyud at fanggamat.

Ay Simun Pedru nalong sat tiba te, “Aw, nanfanguyang kway.” Ay at tiba sigon nalong yangay te, “Kin, anggan ami. Nangufud ami emu.” Ay kanya fag ngay tagadal nasakay wa sa sik balutu. Ay dewa te fagngaba wak yabi nu gfanguyang we nafabul nus di sadi.