Popular Bible Verses from Luka 8

Share

Nayo ya mu msili uweme, aŵa ni ŵala olimvwa lizu nolikatisya mu mtima wozomereka na uweme, notwala vyotwala nokoselela.

Nayo iyo ipona pakati pa minga, aŵa ni ŵala echimvwa, naŵo pakuya mnjira yaŵo omyololoshewa na tupwe na mpango na vyosekesya vya mmoyo uno, ntopyesya ngako.

Aŵo a pa chiluŵambe ni ŵala amene akamvwa olipokera lizu nosangalala; aŵa aliye muzyu, ozomera kansita katonto, na pa nsita yoyezyewa opatuka.

Naye enena naŵo, Nga uli kuni mvwano wanu? Ŵeve poyopa ezizwa nonenana umo na muyake, Nga uyu ni ŵani, pakuuzya chukanga vimpepo na manzi, navyo vummvwila?

Aŵo a mmbali mwa njira ni ŵala echimvwa; pamene apo akuza muŵepeki nolilonda lizu mmitima yaŵo, angozomera nopuzumuka.

Pakuti paliye kantu kefisiwa kamene kati kakanovundululiwa, kano kakunsei kati kakanoziŵikwa nozila kuŵala.

Lomba pechiŵona mwanakazi kuti aliyofisame echiza notetemera nomvunamila mnkonde nokundulula pa menso pa ŵantu aŵo ŵonse chikomo chamkumyira, na kuti wapoleshewa lomba pano. Naye emuuzya, Mwanakaziwe, mvwano wako wakupuzumusya; nkoya pa mtendere.

Naŵo emzila nomuusya kuti, Asikuru, Asikuru, tutaika. Naye euka mtulo evifyangila mpepo na mayepezi a manzi, navyo vileka, penze kachetechete.