Popular Bible Verses from JUAN 11

Share

Evokoiyase Jesús aipo e'i chupe: –Che aiko kwerayevɨsa iyavei tekovesa. Akoi che reroya va'e, yepe omano tëira viña, oikove ñoitera rumo; iyavei akoi oikove vɨte va'e che reroyasar, a'e nomanoi chietera. ¿Ereroya vo aipo?

Jesús omboyevɨ chupe: –¿Na mombe'ui vo akoi ndeu, ko ereroyase, eresepiara Tüpä porañetesa eiko?

A'ese Jesús oyase'o.

Jesús osenduse, aipo e'i: –Ko mba'erasɨsa rumo nda'ei imano agwä ite, egwë e'i Tüpä reko porañetesa mboyekwa agwä, Tüpä Ta'ɨrɨ reko porañetesa mboyekwa agwä avei.

Aipo o'e pare, oñe'ë pirätä aipo e'i: –¡Lázaro, ësë evokoi sui! Iyavei akoi omano va'ekwer osë, ñapɨ̇chisa tuprɨ va'e ipo iyavei ipɨ turukwar asɨaprɨ pɨpe iyavei oimama tuprɨ sova turukwar pɨpe yuvɨreko no. Jesús aipo e'i ava upe: –Peyorapa ñapɨ̇chisa ichui oikatu va'erä ogwata.

Jesús, ndoyembovɨ'a iri katu, oyemboya oso suvɨpa rese. A'e ita yo'oprɨ save, a'e sokendɨpɨ sovapɨsa va'e ita pɨpe.

Ipare aipo e'i iri: –Yande mborɨpar Lázaro oke vɨte tëi, che rumo amoma'erä.