Popular Bible Verses from Iyoni 21

Deli

E tutayana kakáika ikavava, Yeisu Saimoni Pita ilatuwoko kana, ‘Saimoni natuna, kumatakoiyegu gagaina namlieta ame tauyadi?’ ‘U, Tomoya. Kom bogina kuyagoi bego amatakooiyem’, Pita kaena. Yeisu kana, ‘Guna kuvaakanīdi.’ Sivayuwoina Yeisu kana, ‘Saimoni, Iyoni natuna, kumatakoiyegu?’ ‘U, Tomoya. Kom bogina kuyagoi bego amatakooiyem’, Pita kaena. Yeisu kana, ‘Guna kulokaayasēdi.’ Yeisu sivatonina kana, ‘Saimoni, Iyoni natuna, kumatakoiyegu?’ Go Pitayana bogina nuwona imou unana sivato ilumadadeko kana, ‘Kumatakoiyegu?’ Tauna nuwona imou kana, ‘Tomoya, kom kaga liliuna kuyagoi. Kom kuyagoi bego amatakooiyem.’ Yeisu kana, ‘Guna sipiyao kuvaakanīdi.

Nakae kuguinuwe go, ame alatuuwokoim kunōve: Boi tutayana kom tubuwau, toinim am gadíwana kusiko be kuuketoiya nako goi latuwom. Go nava tutayana bogina kukaitomoya, e nimam bei kuyosaledi go, ituli ta tomota be isikoidi namlieta inavem kuna nako goi geya latuwom.’

‘Imi úwata kolāve oga kakatai dadavina goi bei íyana kobabane’, Yeisu kaena. E tuwo moitamo oga kakatai dadavina goi kalave, e íyana badabadaidi kakonedi, úwata ikayaoda, tauna geya itoboinemeta bei uwatayana kabiu ima oga sinaena kadodoi.

Kakaaiyaka, Saimoni Pita kana, ‘Yau ana áuwata.’ Kai kama, ‘Dedevina, tao.’ Tuwo kana oga kasowoya kana káuwata. Sabamgo ana madabokina goi kauwoúwata go, geya tayaamo íyana kakone geya.