Popular Bible Verses from मरकुस 9

Deli

यीसू केयो, “मन में बेम क्यामी राखै? जे तूं कीं कर सकै?” झिका बिस्वास करै है बांगै खातर सारो कीं हो सकै है।

जद छोरै गै बाप गिड़गिड़ागे केयो, “मैं बिस्वास करूं हूं पूरी तरियां बिस्वास करण खातर मेरी मदद करो।”

जद यीसू घर गै मा आयो तो बिंगा चेला ऐकांत में बानै पूछयो, “म्हे ओपरी नै क्यूं कोनी काड सक्या।” यीसू उतर दियो, “ईं तरिकै गी ओपरी सिरफ परमेसर ऊं पराथना करण ऊं ई निकळै है।”

लूण आच्छो होवै पण जे बिंगो सुआद बिगड़ ज्यै तो बो कीं काम गो कोनी रेवै। इंयाई थे अपणै आप में बो गुण बणाये राखो जिंऊं थे परमेसर गै काम आ सको अर दूसरां सागै मिल जुल गे रेवो।

“झिको मेरूं प्रेम करण गै कारण ईं तरियां एक छोटै टाबर गी सेवा करै है बो मानो मेरी सेवा करै है। झिका इयां मेरी सेवा करै है बे मेरी कोनी पण मेरो पिता झिकै मनै भेज्यो है मानो बिंगी सेवा करै है।”

मैं थानै केऊं हूं झिको बी थानै एक गिलास पाणी प्यावै है बो मनै प्यार करै है अर थे मेरै उपर बिस्वास करण आळा हो बिनै परमेसर गी बरकत जरूर मिलैगी।”

कीं किमत पर पाप करण ऊं बचो। झिको टाबरा गी तरियां मेरै पर बिस्वास करै है जे बिनै कोई ठोकर मारै है तो परमेसर बिनै भयानक सजा देवैगो। बिंगै गळ में मोटी चक्की गो पथर बांध गे समुंदर में गेर गे भयंकर मोटी सजा देवैगो।

जे थारी आंख पाप करवावै तो बिनै बार काड दैयो कै दोनूं आख्या ऊं नरक में जाण ना ऊं काणो होगे परमेसर गै राज में जाणो आच्छो है, अर नरक में आग कदी कोनी बुझै ना कदी बठै किड़ा मरै।