Popular Bible Verses from मरकुस 11

Deli

मैं थानै केऊं हूं कै जद थे लोग परमेसर कनूं कोई बी चीज पराथना कर'गे मांगो हो तो इंया बिस्वास करो कै बा थानै मिलैगी तो थानै जरूर मिलसी।

मैं थानै साची केऊं हूं कै जे कोई आपगै पूरै दिल ऊं बिस्वास करै है अर कोई संका कोनी करै कै जिंया बो केवैगो बिंया जरूर हो जासी अर जे पहाड़ नै केवै, जा'गे समुंदर में पड़ जा तो बो बिंयाई हो'सी।

जद थे पराथना करो हो जे थारै मन में किंगैई सागै है कीं तरियां गो बेर है तो बिनै थे माफ कर दैयो। जद थारो पिता परमेसर झिको सुरग में है थानै थारै पापां गी माफी दे देवैगो।

यीसू केयो, “परमेसर पर बिस्वास करो।

फेर यीसू परमेसर गो बचन सिखाण लागग्यो। बण केयो, “थे जाणो हो कै पवितर सासतर में इंया लिखेड़ो है कै मेरो मिन्दर सारी जाति गै लोगां खातर पराथना करण गो घर है। पण थे इनै बोपार गो घर बणा दियो।”

यीसू गै आगै अर लारै चालण आळा लोग ऊंची आवाज में केण लाग्या, “परमेसर गी बडाई होवै। परमेसर गी जय जयकार होवै। तूं झिको परमेसर कनूं आयो है। परमेसर गी खास आसिस थारै पर है।

म्हारै बाप दाऊद गो राज झिको आण आळो है धन्य है।” परमेसर गी जय जयकार होवै।