Popular Bible Verses from मत्ती 27

Deli

लगभग तीन बजे यीसू जोर गी आवाज में केयो, “एली एली लमा सबकतानी।” इंगो मतलब, हे मेरा परमेसर थे मनै क्यामी छोड़ दियो?

अर मिन्दर गो पड़दो उपर ऊं लेगे निचै तांई पाटगे दो भाग हो'ग्यो अर धरती हालगी। अर चटान पाटगी। अर कबरा मू भोत सारा पवितर लोगां गी ल्हासां जी उठी।

फेर यीसू जोर गी आवाज में रोळो मचागे प्राण त्याग दिया।

जद सुबेदार अर बिंगै सागै यीसू गी रुखाळी करण आळा, भुचाळ अर झिको कीं होयो बिनै देखगे डरग्या। अर केयो, “साची है ओ तो परमेसर गो बेटो हो।”

दोफारै बारा बजे ऊं लेगे तीन बजे तांई सारै देस में अंधेरो छायो रेयो।

पिलातुस बानै केयो, “बिंगो के करूं झिको यीसू मसी कुहावै।” सारा केयो, “बिनै करूस पर चढा दे।” पिलातुस केयो, “बण हिस्यो के गळत काम कर दियो?” पण बे सारा जोर जोर ऊं रोळा मचाण लागग्या कै, “बिनै करूस पर चढाओ।”