Priljubljene svetopisemske vrstice iz मत्ती 6

Deli

तर पइल्ली परमेश्वरको राज्यलाइ महत्व दिय रे धार्मि जीवन जीअ रे यिन सब चिज तमरा निउति दिइन्याहुन।

तबइकिलाइ भोलका दिनकि निउति चिन्ता जन अर, क्याकि भोलका दिनले आफ्नो चिन्ता आफइ ल्याउछ। आजको दु:ख आजकि निउति भौत छ।”

“तबइकिलाइ म तमनलाइ भण्नउ, दिन-दिनका शारीरिक जीवनका बारेमि फिक्री जन अर। कि खाउलो, कि पिउलो रे कि लाउलो भणि आफना शरीरकी निउति फिक्री जन अर। पक्‍का लगइ तमरो जीवन खानाइ भण्ना भौत महत्वपूर्ण छ! रे तमरो शरीर तमनले लाउन्या लत्ता भण्ना भौत महत्वपूर्ण छ!

तर तमन जइ बेला प्रार्थना अरन्छौ, आफना भितरा कोठामी पस, रे ढोका लाइबर तइ गोप्य ठाउँमि हुन्या तमरा पितालाइ प्रार्थना अर, रे गोप्य ठाउँमि अर्या सब कुरणी धेक्द्या तमरा पिताले तमनलाइ इनाम दिन्या हुन।

तमन इसेरि प्रार्थना अर: “हामरा पिता, तम जो स्वर्गमि छौ, तमरो नाउँ पबित्र होस। तमरो राज्य आइजाउ। तमरो इच्छा स्वर्गमि जसो छ, तसोइ यइ धर्तीमि पुरा होस।

हामलाइ हामरो दिन-दिनकि निउती चाइन्या खानाइ दिय।

हामरा पाप क्षमा अरिदिय, जसेरि हामले हामरा बिरुद्दमि पाप अद्द्या मान्सनलाइ क्षमा अर्या छौ।

हामलाइ परीक्षामि पड्ड जन दिय, तर सैतान बठेइ छुटाइ दिय, क्याकि राज्य, पराक्रम रे महिमा सदाइ तमराइ हुन, आमिन।”

“रे यदि तमनले मान्सनका पाप क्षमा अर्या भण्या स्वर्गमि हुन्या तमरा पिताले लगइ तमनलाइ क्षमा अद्द्या हुन।

अग्गासका उड्या चडाचुडिलाइ हेर। तिनले न त बुनाहान, न काट्टाहान, न भकारीनि बटुल्लाहान, तर तमरा स्वर्गमि हुन्या पिताले तिनलाइ ख्वाउनाहान। रे तमन त चडाचुडि भण्ना बड्ता महत्वपूर्ण छौ!”

“आफना निउति धर्तीमि धन-सम्पत्ति जम्मा जन अर, जाँ किडा रे खयाले नास पाणन्छ रे जाँ चोर घर भितर पस्साहान रे सामान चोद्दाहान। तर निका काम अरिबर आफना निउति स्वर्गमि इनाम जम्मा अर, जाँ किडा रे खयाले नास पाड्डैन, रे जाँ चोर घर भितर पस्साइन रे चोरी अद्दाइन। जाँ तमरो धन हुन्छ, ताँइ सदाइ तमरो मन हुन्छ।

कसइले एकै समयमि दुइ मालिकको सेवा अद्द सक्दैन, क्याकि तइले एकलाइ घृणा अरन्छ रे अर्खालाइ प्रेम अरन्छ। अथवा त्यो एकसित इमानदार हुन्छ रे अर्खालाइ तुच्छ माणन्छ। तमनले परमेश्वर रे धनको सेवा अद्द सक्दानु।”

यदि परमेश्वरले आज हुन्या रे भोल आगाइनी खितिन्या घाँसलाइ परमेश्वरले यिसेरी शिङाद्दाहान भण्या, परमेश्वरले पक्‍का तमनलाइ हेरचाह अद्दाहान। तमरो बिश्वास इति कम क्याकि छ?”

तर जब तमन गरिब मान्सनलाइ दान दिन्छौ, त्यो और मान्सनलाइ था जन हौ। तबइकिलाइ तमरो दान गोप्यमी दिय, रे गोप्यमी धेक्द्या तमरा पिताले तमलाइ इनाम दिन्या हुन।”

तइ पछा येशूले इसो भणि राख्यो, “होस अर्या कि तमन मान्सलाइ धेकाउनाइ निका काम जन अर। नतित स्वर्गमि हुन्या तमरा पिता बठेइ तमनले केइलगइ इनाम पाउन्या होनु।

“जब तम बर्त बसन्छौ, तब कपटि अनार जन धेका। क्याकि मान्सनलाइ बर्त बस्या धेकाउनाइलाइ तिनन आफना मुख अनारा बनाउनाहान। साँच्चि म तमनलाइ भण्नउ, तिननले मान्सन बठेइ प्रसंसा पाइ सक्या छ। तर जब तम बर्त बसन्छौ तब आफना मुन्टामि तेल ला, रे आफ्नो मुख धो, रे तमरो बर्त बस्या मान्सनले होइन, तर तमनले गोप्यमी अद्द्या काम जाणन्या तमरा पिताले धेकुन, रे सब गोप्य कुरणी जाणन्या तमरा पिताले तमलाइ इनाम दिन्या हुन।”