Popular Bible Verses from मत्ती 5

Share

अरह् लोग दिवा बाल़ियों दिय्ट थाई ने थंह्दे, परह् दिय्ट गाशी लाँव, तबे ही घर के बादे लोगो खे पीयाषो लागो। ऐशा ही दाँई तुवाँरा प्रकाष आदमी के साम्णें प्रकाषमाँन हुवा चेंई, के तुवाँरे भले काँम-काज दे:खियों, तुवाँरा पिता जू स्वर्गो दा असो, तिनकी बड़ियाऐ करह्।

तुँऐं संईसारी खे जोत्त असो, धार-पाह्ड़ी गाशी बसा अंदा नंगर चुप्पी ने थंईदा।

भागोईत असो! सेजे जिनके मंन शुद्ध असो, किन्देखे के से पंणमिश्वर देख्दे।

भागोईत असो! सेजे जू धर्म के भूखे-च़ीषे असो, किन्देखे के तिनू छ़कऐं देई दे।

परह् हाँव तुँओं खे बुलू, के आप्णें बऐरी शो पियार थुऐं, अरह् आप्णे सताँणें वाल़े खे प्रार्थना करह्

भागोईत असो! सेजे जू मंन के शरीफ़ असो, किन्देखे के स्वर्गो को राज्य तिनही को असो।

भागोईत असो! सेजे जू मेल-मिलाप शाँण्त्ति कराणों वाल़े असो, किन्देंखे के तिन्खे पंणमिश्वर के अलाद बुल्दी।

भागोईत असो! सेजे जू दु:ख-शोक करह्, किन्देखे के तिनही शाँण्त्ति भेट्दी।

भागोईत असो! सेजे जिनू धर्म के कारण सताऐ ज़ाव, स्वर्गो को राज्य तिन्ही को असो।

भागोईत असो! सेजे जू दयालु-कृपालु असो, किन्देखे के तिनू गाशी कृपा करी ज़ाँदी।

“भागोईत असो! तुँऐं, जबे लोग तुँवारी नीदया-चुगली करह्, अरह् सताव, अरह् तुवाँरे बारे दी मेरे कारण साँत्त-भाँत्ती अफ़वा फ़ईलाँव, झूठी लाँव। आँन्दित्त-खुशी अरह् मंगन हुऐ, किन्देखे के स्वर्गो दा तुँओं खे बड़ा प्रतिफल़ असो। ईन्देंखे के तिनिऐं तिनू भे जुण्जे पंणमिश्वर की बरंम्बाणीं कर्णो वाल़े थिऐ, तिनू भे तिन्ऐं आगे ऐष्णें ही सताऐ थिऐ।

भागोईत असो! सेजे जू निसत्त असो, किन्देखे के संईसारी धर्ती तिनही की हंदी।

“तुँऐं धर्ती को खारो असो; परह् जे खारे का सुवाद बिगड़ी ज़ावों, तअ तेथू कियों चींजो लई खरयाँल़ो बंणाँवो ज़ाँदो? परह् से तबे कोसी भे काँमों को ने रंह्दी, से सिर्फ ईन्दें ज़ूगौ हों, के तेथू ऊँदो फेरकाणों पड़ो; अरह् तेथू आदमी आप्णी लात्तों थाँई घींज़्णों खे पाँव।

ईन्देंखे ऐशो चेंई के जेष्णाँ तुवाँरा स्वर्गो का पिता साच्चा-पाक्का असो, तेष्णें ही तुँऐं भे साच्चै-पाक्कै बंणों।

परह् तुँवारी बात ‘हाँ’ के ‘हाँ’ अरह् ‘ना’ के ‘ना’ हों; किन्देखे के जुण्जो किऐ ईन्दें शो जादा हों, सेजो दुष्ट-शैतान शो हों।

“ऋषी-मूसा खे भेटे गुऐ निय्म दो तुँऐं शुणी थो, के, ‘आँ:खी के बद्ल़े आँ:ख, अरह् दाँदो के बद्ल़े दाँद।’ परह् हाव तुँओं खे ऐजो बुलू, के बुराई कर्णो वाल़े आदमी का बिरोध ने करे, परह् जे कुँऐं तेरे सुऐं खुप्टे दे थापे लाँव, तअ तू डेरा भे तेस्की ढबे फेरी दे।

जे तेरी सुँई आँ:ख ताँव पाप कर्णो खे मंज्जबूर करो, तअ तियों ऊँडी गाड़ियों फ़ेरकाऐं दे; किन्देखे के ताँव्खे ऐजो भलो होंदो, के तेरे अंग मुँझ्शा ऐक अंग नाँष हंऐ ज़ाँव, अरह् तेरा ओका बादा देह्-शरीर नंरक दा पाँणों शा बचीं ज़ाँव। जे तेरा सुवाँ हाथ ताँव पाप कर्णो खे मंज्जबूर करह् तअ तेसी काटियों फ़ेरकाऐं दिऐ; किन्देखे के ताँव्खे ऐजो भलो असो, के तेरी देह्-शरीर मुँझ्षा ऐक अंग नाँष हऐ ज़ाँव, अरह् तेरी ओकी बादी देह्-शरीर नंरक दे पाणों शी बचीं ज़ाव।