Priljubljene svetopisemske vrstice iz Yohani 6

Deli

Pasowal sa ci Yis i cangraan, <<O sakaci'orip a ^pang Kako. O tayniay i Takowanan a tamdaw i, caayto ko mamacahiw. O paso'linay a miti'er i Takowanan a tamdaw i, caayto ko mamaso'aw to da'oc.

O Fangcalay 'Adingo ko pafliay to 'orip. Awaay ko ^poc to no tamdawan a dmak. O ni sowalan Ako i tamowanan i, o mipafliay to 'orip ko 'Adingo.

Aka ka tayal kamo to sapialaaw to mamalahdaw a kakaenen. O nika pisa'icel a matayal to sakaci'orip to mida'ocay ko nga'ay. Onini a kakaenen ko sapafli no Wawa no Tamdaw i tamowanan, nawhani matopaayto no Wama a Kawas ko Wawa no Tamdaw konini a dmak,>> han Ningra.

Nawhani o nafaloco'an no Wama Ako i, o sakaci'oripaw to mida'ocay ko minengnengay, mipaso'linay i Takowanan o Wawa. Ta o papalowaden Ako cangra a pa'orip nai patay i saikoray a romi'ad,>> han Ningra.

Paca'of sa ci Yis, <<O nipipaso'lin namo a miti'er to niocoran no Kawas a Tamdaw ko kaolahan no Kawas a dmak namo,>> han Ningra.

O nipaflian no Wama i Takowanan a tamdaw a ma^min i, o tatayni i Takowanan. O tayniay i Takowanan a tamdaw i, caay ko fafalahen Ako.

Paca'of sa ci Simon Pitiro, <<Tapangaw, i cimaanan kami a palawina saw? Deng Kiso a ccay ko pasowalay to sakaci'orip to mida'ocay.

Kako koya ma^poday nai kakarayan a ma'oripay a ^pang. Ano komaen ko cimacima tonini a ^pang i, o mamida'oc cingra a ma'orip. O sapafli Ako i cingraan a ^pang hananay i, o hci Ako, o sakaci'orip no tamdamdaw konini,>> han ni Yis.

Ano caay ko masolotay no miocoray i Takowanan a Wama ko tamdaw a papiraod i Takowanan i, awaay ko mama^deng a tayni i Takowanan. Oya tayniay i Takowanan a tamdaw i, o papalowaden Ako a pa'orip i saikoray a romi'ad.

Nawhani o nai kakarayanay a ^pang hananay i, o pafliay to 'orip i tamdamdaw a niocoran no Kawas,>> han Ningra.

O sakaci'orip a ^pang Kako.

Ta tatoy sa ci Yis toya ^pang. Kansiya sa Cingra to Kawas ta pakilac han Ningra koya maro'ay a tamdamdaw. Haenen Ningra koya foting a pakilac. Ano hakowaay ko kangalayan nangra i, pakilac han Ningra. Yo mafcolto cangra i, sowal sa ci Yis i nisawawaan Ningra, <<Sa'opoen ko kinapcih a 'osaw a ^pang to saka^caaw ka saloya no ccaccay aca,>> han Ningra.

Yo ma^deng lima ^nem a kongli ko ni'iwasan nangra i, ma'araw nangra ko nika romakat ni Yis i fanaw a miraod to tamina. Saka, matalaw cangra. Pasowal sa ci Yis i cangraan, <<O Kako, Aka ka talaw!>> han Ningra.