Priljubljene svetopisemske vrstice iz Hogusra 1

Deli

Egi Maura wena: Wankshigra hisha hiunkjawina wang‐hoikawainkjawina, jawangasganagra shesgekjena. Egi tejainja honaka wawirukanakjena, egi ahuirassara wangeja unaka wawirukanakjena, egi jera wawirukanakjena, egi mara harnaj hirukanakjena, egi washara jarnaga kikurutiakhi ma‐hihageja kikurutinankhi wirukanakjena. Egi Maura wankshigra gussana, hoikawank‐khina, hoikawankshana Maura, wankshigra gussana, wangra egi hinugra wagussana.

Egi Maura hophi howewarogigu, egi Maura wawagena: Wojawire egi woroha harawire, egi mara hoixjiwire, egi wanawine, egi tejainja hornanka wawishurukanakjanena, egi wangeja ahuirassananka wawishurukanakjanena, egi jarnaga washa niambra ma‐hihageja kikurutinanka wawishurukanakjanena.

Jeg‐hojikerehieja Maura maxihoshuagre egi mara wagussana.

Egi mara inke washanisha wogisognina egi manarna, egi hoshewenaka hokawasrogeja‐nankshana. Egi Maura Naxirag harnira ni hipara wangeja hoikara howena.

Egi Maura wena: Hohaimbjena, egi hohambshana.

Egi Maura hajarna washara harnaj una, egi horuxujshana, mashja phina. Egi hoxjarnaishana egi hainisha de‐e hamb hirakewehana.

Egi Maura hajarna hohambra phira. Egi Maura hohambra hokawasra kirujewahina.

Egi Maura wena: Horuxujwire, jarnaga xawiabxetera su kik’unagra ma‐hihagregi‐nagre harnaj hornik’uwina, egi nara jarnaga has haminagankhi su ju‐nankhi, ne waraijanihawina.

Egi Maura hohambra hambra higena, egi hokawasra hahera higena. Egi hoxjarnaishana egi hainisha de‐e hambjornira herena.

Egi Maura wena: Kerajojimbjena nirogeja nira kiruje warnikjanena.

Egi jarnaga wanoijge mainja herera, egi jarnaga ahuirassa wangeja herera, egi jarnaga washara ma‐hihageja kikurutianka, jarnaga niamb‐ankhi, jarnaga xawiabjorakhi waruj wagarna. Egi shesgena.

Egi Maura wena: Hohaimbjena kerajo wangregiagre, injaibjena hambra egi hahera, wijantinkjege egi mojakhiwera egi hambra egi maishara.

Egi Maura wena: Manaka xawi haxebjena egi xawiabxetera su haminag hirekjena, egi na has haminagra has haminag‐hirekjena, na jaguisha heregi, has shesge haminag‐hirekjena, sura e kik’uinekjena manegi herera, egi shesgena.

Egi Maura kerajora una egi nira injab t’umbshana kerajo‐khuhainja herera egi nira injab t’umbshana kerajowangeja herera, egi shesgena.

Egi mara xawi haxebshana egi xawiabxetera haxebhirena sura kik’uinena, egi nara has haminaghirena sura e kik’uinena, na jagu hiregi has shesge haminag‐hirena. Egi Maura hajarna phira.

Egi Maura hohambxetera nup una. Hohamb hiraijaira xetejega hambra hirukanana, egi hehamb worujisjega hahera hirukanana. Egi wiragoshgera hishge wauna.

Egi Maura wena: Egi nira horeishankira stowire maxikhuhanegi herera, egi mowusra jantinkjena, egi shesgena. Egi Maura mowusra mara higena, egi ni stowaka tejara higena. Egi Maura hajarna phira.

Egi Maura hopi howe‐warogigu wena: Wojawire egi woroha harawire, egi hoixjiwine nira tejanegi, egi ahuirassara worohawine manegi.

Egi Maura wena: Managre wanoijge niamb horniaimbjena hokirajra, jera egi wikirira egi wanoijge manegi herera hokirajra, egi shesgena.

Egi Maura wena: Nira wanoijge niambra rohaxji horniambre, egi ahuirassara managre wangra hotainekjena, wangregi kerajoagre khuhana hogokeja.

Egi Maura wanoijge manegi herera wauna hokirajra, egi je hokirajra, egi wikiri manegi kikurutira hokirajra, egi Maura hajarna phira.