Popular Bible Verses from Johan 21

Deli

Uko mhacükelie sie, Jisu sie Pitor ki, “Johan nuou Simon, no hako ki a khriekuoya mo?” Puo sie puo ki, “N zo, Niepuu no a n khrieya ücü si ba.” Jisu sie puo ki, “A kuonuoko vachüliecie,” sita. Siro va kenieu va rei puo la sie puo ki, “Johan nuou Simon, no a khrieya mo?” Puo sie puo ki, “N zo, Niepuu no a n khrieyakecü si ba.” Jisu sie puo ki “A kuokoyo pfheliecie,” si. Puo va seu puo ki, “Johan nuou Simon no a khrieya mo?” Pitor Jisu va se puo ki, “No a khrieya mo?” iketa la puo nousuota. Jisu sie puo ki, “A kuoko vachüliecie.

A n ki pu toushütuo, no n khriesaki n thuo n chie phapfü di no vo kenyüra vo ze. Derei no tsata tse n dzienie yhashü di mia bu n chie phashü di n ze no vo nyü kemora rei votuo.”

Sitse puo sie uko ki, “Nieko jal kelhoupie rou tsei thezatsa shücie, sitse nieko khuo huo ngulietuo ho,” sishü. Süla uko jal kelhoupie sütsashü ru uko süu teshülie lhota, khuo krathorketa la.

Simon Pitor sie uko ki, “A tsu khuotetuo.” Sitse uko puo ki, “Hie rei n ze tsutuo,” sita. Uko tuo vo di rou puo nu pfülie, derei uko süzhü mhapuorei telie mo.