Popular Bible Verses from Matəw 14

Deli

Asɨmə amaʼazənə yə zən afim wu, anəm sey fiŋ ma anigə u ti ni fwayn nyi ŋuw ungɨŋ animini wu. Anigə yə kyay ghayn kwi, “Asɨyisəg chiyə aŋu angəʼ!” Aba ighari wu, Yeso sa abugə ma yimi uŋwən, i ghayn abú uŋwən kwi, “Ngwə məŋərə ayə da ngiya? Inji beni fiŋ yə kweʼe.”

Asɨmə amaʼazənə yə zən afim wu, anəm sey fiŋ ma anigə u ti ni fwayn nyi ŋuw ungɨŋ animini wu. Anigə yə kyay ghayn kwi, “Asɨyisəg chiyə aŋu angəʼ!”

Yeso ghayn abú úŋwən aba ighara wu kwi, “Mbən yimə fiŋ, mbən mə goro ngwən amə umugə.”

Amaʼazənə yə ghayn nigə, Pita ghayn abú uŋwən kwi, “Asɨyisəg abə mə ngwə, ghayn kwi a yeŋ igun animini izaʼa njigə.” Yeso ghayn kwi, “Zaʼa!” Anigə Pita du ungɨŋ abaŋ ugwi ni yeŋ igun animini ŋuw aboʼo Yeso.

Ba mbənə mbə́ mə́ ungɨŋ abaŋ ugwi wu wumini uŋwən ghayn kwi, “Akə asiʼ ngwə mə Ŋwə̂ Nwiye.”

Yeso ywiri kwi, “Cha aton abú úŋwən imə ŋuw. Mbən naʼa aghəy moʼ abú úŋwən u jəg.” Mbə́ ywiri kwi, “Aba ubimi ingəŋ itɨŋ nə su bigə imə ina.”

Yeso ghayn abú úŋwən kwi, “Mbən num zaʼa inaʼ iniŋ akəŋ.” Yə num nigə ighayn abú akama ba wu kwi u chomo igun ufəʼ. Amaʼazənə mbə́ chomo, yə num ubimi ingəŋ itɨŋ nə su bigə wu ney azobo inaʼ yə beni ayə abú Nwiye anigə ibɨʼiri inaʼ abú mbə́ məŋə-anó ma kwi ughaba abú akama ba wu.

Amaʼazənə mbə́ ghaba nigə, úŋwən uma ujum jəg ikod. Mbə məŋə-anó fere ikəg tənə tə́ buʼi, tə́ sugi ungɨŋ usəŋ ighum cho bigə.