Priljubljene svetopisemske vrstice iz Matie 5

Deli

Wa'a ‑dɩ 'napɛ 'yi 'wë 'n wa 'kɛ ‑käka 'wlumö ‑gbïli. ‑Maa wa ‑kɛɛ 'yi ‑dɩ 'wëë, ghäyɩ wa bizee 'n ɛ ngälaa ‑mä ‑budu 'mö a ‑nʋa 'wuë 'wʋ. Sɛ ‑bhʋlʋ ‑kpɔ 'la, ‑sɩbhä 'a ‑wʋwʋsaa nɩ ngäla 'napɛ a sɛ nɩkpa 'wuë 'wʋ, nzɩɩ wa ‑kä 'a ‑li a ‑lii a nʋä 'wʋ yɩlɩɩ, wa 'kä a dɩba Lagɔ ‑ɔ ‑wʋä ‑mä ghäyɩ a 'nglɩ 'ghlimanɩ.

Sɛɛ 'napɛ lɩ'ɛ 'n ɛ ngla'ɛ nɩkpa 'wʋʋ, ‑sɩbhä a ‑wʋä mä'ä 'pɩwʋ a nɩkpaa a dɔ'wʋ. A'bhï a ‑yi sɛ nɩɩ, ‑gäga 'wlu a glɔ, wʋ'ʋä ziza‑a.

‑Wanyɩɩ dilaa 'nɩɛ 'mö ‑dlinɩ Lagɔ a dɛɛ, 'wa ‑jɔlʋ! Ɛ'ɛ ‑bhö nyɩasɛ, ‑maa wa yi Lagɔ 'ylimö 'ylɩmönɩ.

‑Wanyɩɩ dilaa 'yɩbhää tenyii nɩɩ, nɩkpa 'wuë nɩ nʋ 'saa nɛnɩɛ Lagɔ dlɩ yɔwʋʋ, 'wa ‑jɔlʋ! Ɛ'ɛ ‑bhö nyɩasɛ, ‑maa Lagɔ a 'nglɩ 'mö, wa dilaa yi 'ylɩ ‑bhlʋ 'mö, 'mö yi.

‑Maa ‑amö na a, sɛ'ɛ n nyanyɩɛ 'dɩ nɩɩ: ‑A nɩ ‑wa 'a ‑gblɩwaa. ‑Ɔ 'yɩamöä 'klɩɩ, bhibhe ɔ 'wlumö Lagɔ.

«‑Wa ‑yiɛ sɛ nɩɩ 'pʋäwa wa glɩnɩ Lagɔ a 'yila 'klʋ a dɔ'wʋʋ, 'wa ‑jɔlʋ! Ɛ'ɛ ‑bhö nyɩasɛ, ‑maa 'pɩwʋ mää Lagɔ 'kämanɩɛ, mʋa ‑kälɩɛ ‑mä.

‑Wa tɛlɩɛ sɛ nɩkpa 'kä ‑wanɩɩ, 'wa ‑jɔlʋ! Ɛ'ɛ ‑bhö nyɩasɛ, ‑maa Lagɔ yuë ɔ 'yuë la.

‑Wa wiɛ zɩ'ɛ 'mɩɔɔ, 'wa ‑jɔlʋ! Ɛ'ɛ ‑bhö nyɩasɛ, ‑maa Lagɔ yuë 'ylɩ ‑bhlʋ 'mö 'yli yɔwʋ sɩɔ.

‑Wa zlɔnɩɛ 'mö Lagɔ a 'yila 'klʋ a dɔ'wʋʋ, wa 'yɩa ‑sɩbhä a za 'klɩɩ, 'wa ‑jɔlʋ! Ɛ'ɛ ‑bhö nyɩasɛ, ‑maa 'pɩwʋ mää Lagɔ 'kämanɩɛ, mʋa 'kää ‑mä mö.

‑Wa kää wa 'bhɩa a ngäzɩdlɩɩ, 'wa ‑jɔlʋ! Ɛ'ɛ ‑bhö nyɩasɛ, ‑maa Lagɔ yi wa ngäzɩdlɩ 'pä.

Wa ‑kaanyɩ wɛlɩzoku bhïlanɩ, wa ‑kaanyɩ 'klɩ 'yɩa, wa ‑kaanyɩ yiodɩ 'wʋ 'libhïnɩ, wa ‑kaanyɩ 'kïbhïzoku a kii 'wuë ‑gömö 'zʋ, sɛ a glɩnɩɛ na ‑nʋa a za‑a, 'mäna 'käda nɩ 'lɩbhanyɩ! Ɛ'ɛ ‑bhö nyɩasɛ, ‑maa Lagɔ yeanyɩ ‑mä ɔ yɔwʋ ‑li a ‑li 'kädɩ 'wlu nʋ. Sɛ ‑bhʋlʋ ‑kpɔ 'la, Lagɔ 'a bhla'mö a 'möbhïlanɩwaa ‑wa 'wlʋä a za tɛɛ, ‑sɩbhä wa 'yʋä a‑a 'klɩ.

‑Wa yɔnɩɛ dlɩ 'wʋʋ, 'wa ‑jɔlʋ! Ɛ'ɛ bhö nyɩasɛ, ‑maa dʋdʋkpätaa Lagɔ gbä a‑a ɔ 'kʋä 'nyɛɛ, ɔ yuënyɩ 'nyɛ.

Abhʋa na ‑nʋa, gïbhï a sɛ a ‑wʋä mä'ä 'pɩwʋ. ‑Maa gïbhïï ‑kä 'lʋngli bhɩɛɛ, 'saa wa 'kɩ bhä 'mö 'zʋ yɩ 'kä 'sɔ mɛnɩmanɩ 'nɩ? Yɩ'ɩa'a dɛsɛ ‑kä. 'Kwlɛ 'mö wa 'kɩɛ 'pä nɩkpa 'kɩ ‑gömö nɛmänɩ.

‑Sɩbhä a za n gbää nɩɩ abhʋa na ‑nʋa, sɛɛ a dɩba Lagɔ ‑ɔ ‑wʋ ‑mä ghäyɩ 'wʋ zlɔnɩɛ 'möö, a nɩ ‑wʋmö ‑sɩbhä.

Nza n gbää nɩɩ, ‑n ‑kä 'mö ‑sɛnɩ, nn ‑n ‑kä nʋä yii, ‑n ‑nɛɛ: Nn. N'nn ‑n ‑kä nʋä yii, ‑n ‑nɛɛ: N'nn. Nʋ sa'a ‑n 'kä ‑lɛ 'bhlenɩ. ‑Maa 'saa ‑n 'käa'a ‑lɛ ‑gömö 'zʋʋ, Sataa 'mö yɩ 'bhöönɩɛ 'mö.

A 'nʋ nɩɩ: 'Yli ‑nyɛ 'yli nɩ bhli. Gleyi ‑nyɛ gleyi nɩ bhli. ‑Maa ‑amö na a, sɛ'ɛ n nyanyɩɛ 'dɩ nɩɩ: Nɩkpɛ ‑kamö ‑lizoku 'wlu nʋʋ, tɩ yɩ kpa ‑sɛ. Nɩkpɛ ‑kä ‑na'a luukɛyukwli 'mö 'pää, tuloo kɔpɛnɛɛ ɔ 'kɛ 'mö 'pämö.

N nɛ naa: 'N ‑na'a ‑luukɛyilii ‑kämö 'nyinyloli 'mö kwää yii, ‑sɛɛ ‑mä ‑n 'kɛ 'klwɛ 'mö 'pä. N‑n ‑kä ‑na'a kpökpaa a 'kïbhë ‑bhlʋ tɩɩ, mɩɩ nɛnɩɛ mɩɩ ziɛ a 'kä 'wʋ ‑tlunɔ, ‑n ‑nyaa 'kä ‑kosu 'mö mö 'wʋ. ‑Kosu 'la, wʋ 'naa 'kä 'kwädlɩ 'wʋ 'ngïmo. 'N ‑na'a luukɛkätɩkpaa ‑kamö'ɛ 'nyinyloli 'mö kwää yii, ‑daa 'wʋ, ‑n 'ka 'kwlɛ 'mö pä. N‑n ‑kä ‑na'a kpökpaa a 'kïbhë ‑bhlʋ tɩɩ, mɩɩ nɛnɩɛ mɩɩ ziɛ a 'kä 'wʋ ‑tlunɔ, ‑n ‑nyaa 'kä ‑kosu 'mö mö 'wʋ. ‑Kosu 'la, wʋ 'naa 'kä 'kwädlɩ 'wʋ 'ngïmo.