Priljubljene svetopisemske vrstice iz Yoosuwa 1

Deli

‹Agaagul akak cabay a taamal digga xic› 'yaanam amrih kol oobiseh; tama amri hawweene waytam kol tan. Anu *YALLAAY; ku Dagelta kinniyooh; elle gexinnaan ikkel ko'lih ani'mmay mameysitinaay; niya kok baxaqe waytay» kaak iyye.

Tama xinto elle tunkuttube kitab kulli waqdi kassitay mahawweenin. Bar kee laqoh kawis. Tama kitaabih addal tanim inkih duudussem keh nagay isik cubbus. Taham abtek kullim kol amqeleeh; kullim gabal akak bicta num akketto.

«A taamal digga xicaay, abba haytaamal agaagul akak cabba haay dudda luk ab. Yi naqasuh yen Muusa koh warse xinto intam inkih oggola num tik. Teetil enna 'taamak tu cabe'kal duudusaay; tonnal gexinnaan ikkel kullim gabal kok bicele.

Tonna'mmay Yoosuwaw, atu addunyal tanim fan qeebil num kok mayaysaay; anu kaadu Muusa lih akah suge innah ko'lih aneyyo. Kok mabaxsimaay way koo macaba.

Anu sin kaxxa abbobtik, ‹Siinih aceeyyo› axcuk xagana keenih akah culeh suge baaxo tabbaxoonu waytan saaku ken abba akketto'mmay, a taamal digga xicaay agaagul akak cab» kaak iyye.

Muusak akah exce innah, inkih tan baaxoy adda akak tabtoonu waytaanahiyya inkitanuuk siinih eceeh an.

*YALLI Yoosuwak iyyemii, «Muusay yi naqasuh yenehiyya rabeh immay, koo kee Israayil marak bical gacaay; Ordon weeqaytuk tabba xicay, woo anu Israayil marah ecee baaxo fan gexa.

YALLIH-naqasuh yen Muusa rabek lakal, *YALLI, Muusa catoh luk yen Nuun-Yoosuwa lih yaabe.

Sin baaxo cuduud gabbi le qaxat raqta bacarih tan baaxok xabba haanamaay Lubnaan qaleelah amma 'yaanamaay, tohuk kalah kaadu Furaat kaxxa weeqaytuy ayrô-mawqat yanik xabba haanamaay, Ciitah yooboke marih baaxo edde anuk, Maditraaniyah Badat idiyya 'yaanam sinimi.

Ku abbootan cina num kee atu axcinnaanim cina numul rabi amaatele. Abtaamat bisoh inxicaay agaagul akak cab» kaak iyyen.

«Gexay ummatak, ‹Qusba-dabaaqah safarah bical gacaay, sakayi bicsita› inxica. ‹Sidiica ayrok lakal Ordon weeqaytuk tabba 'teenih *YALLAY sin Dagelta kinnihiyya siinih yecee baaxo tabbixeeni'gidih gexetton› keenik inxica» keenik iyye.