Priljubljene svetopisemske vrstice iz Yuhana 6

Deli

Yesuw a gwaɗa a tar: «Iye na a ne dukw mezime ata a vile a mesife a mburma ya. Wur ana a dere a a təv ga ya ka, may a wir ahər a tsa, dite wur ana à gis a iye nda gəzləŋ ŋgar a tekeɗe ka, yam à kiɗ a ŋgat asa tsa mbaŋa.

Mezite Mesife Mbulum na a vile a mesife a mburma ya, tsəka, ndzəɗa mburma a sle a duwa tsa. Gà bazlam ana i tsik a kurum a ka, na a vile a kurum a mesife ndzer ŋana, a dara i təv Mezite Mesife Mbulum a.

Ka ta gwim megemir aɗaba dukw mezime ana ika gər ahəɗ, a ndze a hinne tsiye tsa. Ama gwim ka, aɗaba dukw mezime ana, a ndze a hinne, à ndìv a tsa aà biybiy, a vile a mesife a mburma ya ivaɗ. Dukw mezime ata a ndze a hinne, à ndìv a tsiye ka, iye, *wur ana a dara i təv Mbulum a, na a ta vile a a mburma ya. Aɗaba Mbulum Tsir gà na a viliŋ ndzəɗa aà mege dukw ata ya.»

Dukw ana a sàs a Tsir gà ya ka, araha: Gà mburma ana tàa ŋgetiŋ, a iye, Kəla Mbulum, dite tàa gəs iye nda gəzləŋ tar a ka, ta ŋget a mesife ana à ndìv a tsa aà biybiy a, dite ka, i mbele a à tar i məməta ya, a pat ana gər ahəɗ à ndìv a ya.»

Yesuw a gwaɗa a tar aaka: «Mege megemir ana Mbulum a veve a i təv kurum a ka, magəsa iye, iye wele ana Mbulum a slərra iye ya, nda gəzləŋ.»

Gà mburma ana Tsir gà a dziŋ tar tserdze ya ka, ti dere a a təv gà ya, dite iye tekeɗe ka, wur ana aka dara a təv ga ya ka, i niw a ŋgat tsa.

Simun Piyer a gwaɗar aaka: «Batsah mər ŋa, mìi de a dze ana, a ŋga, mìi zezem a weke asa ya? Kər na kà vəl a mər bazlam ana a vile a mesife a mburma, à ndìv a tsa aà biybiy a.

Iye ka, i ne dukw mezime ana a tarra i gər ŋa ya. Na wura aka zəm dukw mezime ata ka, a ndze a birek birek aà biybiy, à mìt a tsa. Dukw mezime ata i vile a a mburma, dite na ta ŋget a dər mesife ya ka, slu ba gà.»

Aɗaba wura a sle a aà medera a təv ga ya tsa, say na Tsir gà ana a slərra iye ya, aka gəsara ŋgat a tsiye. Ama ku weke na aka dara a təv ga ya ka, i ta mbil a à ŋgat i məməta ya, a pat ana gər ahəɗ à ndìv a ya.

Aɗaba dukw mezime ata Mbulum a vile a a mburma ya ka, nda ahər wur ana a tarra i gər ŋa ya. Ŋgat na a ne dukw mezime ata, a vile a mesife a mburma ya.»

Iye ka, i ne dukw mezime ana a vile a mesife a mburma ya.

Yesuw a daha, a ndzək tapa ɗaf ata, a ge dərraha kəkaaha a Mbulum, dite a dzaya a ba a gà mburma ata mandza ŋa i bəɗ a. I dəba ŋa ya, a ndzək kilif ata, a ge dər kamala taŋa ya asa mbaŋa, dite ku weke a zəm dukw mezime ata ka, a sler kamala ana gəzləŋ ŋgar a waya ya. Tə zəm ɗaf ata a sleye a tar lele ka, Yesuw a gwaɗa a gà ɓəzla mazazama ŋgat ata: «Yahum akaba gər a gà asiŋ ŋa ana a zeha ya, kwizikw ma ze a bəɗ tsa.»

I təv mede tar ata ya ka, tàa da ka, kiliwmeter ə̀zləm, kige tsa ndilik. Aləka ta fə̀r ikaba ya ka, ta ŋgataha a Yesuw a riŋ a de a ika gər yam a nda sik tsə̀pàk tsə̀pàk, bise aka à mendzeha a təv tar. Ta ŋgatar kataya ka, ta ge magəɗa hinne. Ama Yesuw a gwaɗa a tar: «Ki gwim magəɗa tsa, iye na naha ya.»