Popular Bible Verses from Yuhaana 1

Share

Amma jaɓɓiiɓe mo fu, ko goonɗinii inne makko, o hokkii ɗum laawol laataago ɓiɓɓe Alla.

Diga fuɗɗoode, bi'eteeɗo Haala e wonunoo. Oo wondi e Alla, o laati nun Alla.

Jaayŋol e yayna der niwre, niwre bo waaway ko nyifi ŋol.

Haala laatike neɗɗo. Neɗɗo on jooɗodii e meeɗen, oo hebbi moƴƴere e gooŋa. Men ji'ii tedduŋal makko, tedduŋal ŋal Ɓiɗɗo bajjo heɓata e baaba mum.

E makko Alla tagiri huune fu. Baa goɗɗum ko woni tagaaka to hinaa e makko. Yonki ƴiwii e makko, yonki kin laatanii himɓe jayŋol.

Fini mum, Yuhaana yi'i Yeesu e wara to mum, wi'i: «Nani *Jawgiyel Alla ikkinoowel hakkeeji duuniyaaru.

Bi'eteeɗo Haala na'onno der duuniyaaru, e makko duuniyaaru tagiraa, amma himɓe duuniyaaru annitay mo. O warii to himɓe makko, himɓe makko bo jaɓɓaaki mo.

Kanŋol woni jayŋol gooŋawol, garuŋol e duuniyaaru gam yaynana himɓe fu.

Diga e Muusa nun tawreeta hokkiraa, amma moƴƴere, e gooŋa warii diga e Yeesu Almasiihu.