Popular Bible Verses from Jǒn 12

Deli

Nang yeě nké mu o-ryuu ng o/fu, nyǐ o-kyú u mě ḿgbán, onet ámu o-man o-cen ne me ké kyikû, eringe nyí ḿgbán ejí o/chi o-kyú ne me to ké kyikit ńkyí me mu. Bonchí ejí o/chi o-kpee onet mú mu ḿgbán ejí.

Nang yeě nké dyikpen emen ndyi dyi-jê ng ǎ, dyikpen emen ándyi dyi/chi dyi-tánê ǎ. Nang yeě nké dyikpen emen ké ejíí ńnyín ndyi dyi-sa ng ǎ kafâ, onet ámu o/chi o-tî kándyí ké dyikpen ńdyí ne banyá.

Me mu n-sét ng běn ké ntûntû n/fu, osang-kyichí o-waa ng kǎnchí tete ba-fé kámú kyísí o-kpú. Nké â o/kpú kâng o-byí, o-zím m esang chwóó.

Me mm/bê ké ejíí wǎ kiinwángé, n/fu, kángkáng banet ḿbé mbe ba-bángê e ne me ne atyém ebe ba*dachi ba-waa ké kyifip*.

Nang yeě nké mu o-jwo ng kyitwóm ejí ne o*fí o-chi i eringe nyí kyi/sét* mm*ba/chi m-pan ǎ mpan*. Me m/bê ejíí enyii ké byibî, n*da/bê kányí mpan ebapan*.

Méryi o-yip kâng ókpúmá-bakút ḿbé badanyîn kyinung, ḿbé badashwane to kasî, ne ba/chi kámbé ké babî-kyichí ḿbé badakó nât. O-bírî bakút ámbe o-pwó Jisos ké byiká, ne o-yip eji emen o-shî kámbyí. Bunyîn-kyinung ḿbú bakút ámbe bu-sú ké kyise kyimúmú.

Mbé ba-yip achiche-bayêp ba-dim edakwárê ne nyǐ, ba-kpet ekwán ba/fu, kpee n̂g Osówo. Ojware okyú ne onet mú mu o-bâ ké bubwô ḿbú Otu Kyítá. Osówo ojware Otu mú banet-Ézerel.

Jisos o-faa kámbé o/fu, nkéré oo/fyi kántîk mú badakye Wǎn-Onet kiǐtí-ofê.