Popular Bible Verses from Yohane 10

Share

Inini lishaa-fo ndi kita lyasha iiva na isikya na ireta. Niń nndesha amu nato tikooye muu na findo fitifile na fa mmwasi.

Niń nniń mwisi nnuru. Mwisi nnuru akuniingiaa kiimba kya mburu tamwi.

Na mburu takwa tishiitaa ununga lwakwa. Nań ntiishi, nato tikashisoṛa.

Nań natiniinga muu wa miṛeṛe na miṛeṛe. Ana to nta tirekaa miṛeṛe ndi. Ana nta eefo nndu atisokaa ifo maakoń akwa ndi.

Niń nniń mwaango. Nndu kaaka na kwakwa kashaaṛua mwaango, ito akooyaa ikiṛwa na yaka na isomuka, nae akooyaa imutu.

Niń nniń mwisi nnuru. Niń niishi tilya tikee takwa, nato tishiishi niń

Na Nde yakwa uu ashiniingie ni nnini kita woose. Ana nta eefo nndu amakii itisoka ifo maakoń a Nde yakwa ndi. Niń na Nde tikee kimwi.

sheeli Nde yakwa ashiishi niń, nań namanya Nde. Nań nareka muu wakwa kiimba kya mburu takwa.

Nta eefo nndu ashiusokaa ndi, kake nauniingia kwa ikunda lyakwa shi muni. Noore finya ya iuniingia. Noore na finya ya iuwara lingi. Llyo ivavaso nndeliwaria lyuka kwa Nde yakwa.

Llyo Yesu avaia Ungi: Nkue nkue namuia: Niń nniń mwaango wa yaka mburuń.

Kake ndundia maṛe atakee muni mburu ana mwisi ili aloliaa ngwe iishaa, llyo aburuya-wo mburu tilya arishe. Na ngwe ilya llyo itambukiaa mburu tilya na itinyanyata.

Nkue nkue namuia: Ulya ataakaa muṛiń wa mburu na mwaangoń kaira na andu engi, ito ni inini na nsoki.