Popular Bible Verses from Jua 15

Deli

» Xi tebakuyána ku án tsuꞌbatjengina, ku tekuácha án kjitsuꞌbajunꞌan, xuku ngu tjiaꞌe ya xi ꞌñu bajare̱ tú; ta̱nga tsa tjin xi kjiebaꞌaxín yajo̱ꞌe, ngují najmi kuma xi tsiꞌin.

»Tsa an mijñatkujújnu, ku tekuácha án batejñajínjnu. Je yájnu nga bajajíre̱ tú tjiaꞌe ya tsa titjaꞌñujinre ya xi je. Tukú ku̱a̱cha ma, jún ngují najmi ma ñaꞌánjnu tsa anjín mijñatkujújnu.

»Tsa jún ngutsa kichꞌáña xingiña ku nikitjusúnjnu ngieje én xi ikuyájnu, sakujnu ngieje najmi xi chjinengíjnu Namiꞌna.

»Jun jin xi kichjajínjnuꞌan, án xi jajínjnu. Je kitsjuájnu kju̱a̱ nga mangijnu ku xuku tjiaꞌe̱ ya xi tutsjai nga bajare̱ tú tiaꞌánjnu. Ku ku̱a̱cha, tsjuájnu Namiꞌna ngieje najmi xi chjinengíjnu nga̱tꞌaꞌna.

Najmí xi ku̱a̱cha tsjuá kju̱a̱nitjoꞌe̱ nga̱tꞌaꞌe xu̱ta̱ xi ndá yaꞌa.

Tsa ngu tjiaꞌna xi bajajíre̱ tutseje, bate Namiꞌna; ta̱nga tsitsje tjiaꞌe ya tuxi ndá bajare̱ tú.

Ku kui én xi tsingiyájnu: ndsijin timejénjnu xingíjnu, xukúcha nga mejénna jún.

Tsa jún ꞌñu ndá bajájnu tú ku tjimajnu xuku ja xi ikuyána, ku Namiꞌna tsjua kumáre ngatꞌajnu.

Kjesuu tuku tsichja ku ku̱i̱cha kitsúre̱ ja xi kjibakuyáre̱: «Án xi yaꞌe tutseje xi kju̱a̱xikjain, ku Namiña Diuu̱ kui xi tjitsiꞌin xki̱.

Ku xi tiñají tsubatꞌana, ku̱a̱cha kumáre xuku tjiaꞌe ya xi bajajíre̱ tú: bichá, nikjaꞌa ku nga je kixí, ngajin ndiꞌi ꞌbetí.

»Xiyájnu ngieje kui najmi tuxi tsjua kuijñajnu xukúcha tsjuatjinna án.

Tsa ñaꞌánjnu xki̱ ngieje najmi xi kitsingiyájnu, tutsjai nga kumejenna jún, xukúcha nga mejénre án Namiꞌna, nga̱tꞌa tsiꞌinꞌan xki̱ ngieje najmi xi tsú.

Ku kui manda tsjuájnu: Timejénjnu xingíjnu nga ngu ngu jnu.

Kuí tsitjójnu jún, tsa tekuácha kúnjnu xuku kuí. Ta̱nga jún je ngite kuajícha kúnjnu, nga̱tꞌa án jajínjnu tuxi kuajícha ñaꞌánjnu. Kuí kju̱a̱ nga kuí ja chꞌore jún.