Priljubljene svetopisemske vrstice iz E’doza 1

Deli

Mungu ’yo ra, Ama ma ede ’ba wura amani vusi, e’daza amani vusi indi; yi ma adri opiru e’bi miria ’diyi pi ma drilia, aria ’bua ’diyi pie, anyapa akua ’diyi pie, angu wudrikuru driari pie, afa acipi aci valesi nyaku dria ’diyi pie dria. Mungu nga di ’ba ’ba i ma ngulupi ma wura vusi, ada ’ba eri wura Munguniri vusi; o’ba yi agupi pi oku be.

Mungu nga asi ndriza fe yi dri, Mungu nga ’yo yi tia, Emi ma ti, emi ma ezu kakau, ma ga nyakua tre, nyaku ma ovu di emi ma palaa; emi ma ovu di ani e’bi miria ’diyi pi ma drilia opiru beni, aria ’bua ’diyi pie, afa idriru acipi nyaku ma dria ’diyi pie dria.

Okokele Mungu ’ba ’bu pi nyaku be.

Mungu ’ba ’bu pi nyaku be. Nyaku nde ovu pirini, afa alenia yo, angu biza ovu yi aliru ma dria; te Orindi Munguni ri yi nde ma dria ’dani.

Mungu ’yo ra, Diza ma ovu indi; diza nga di di ani.

Te Mungu ndre afa erini o’bale ’diyi dria, te mi ndre, eri onyiru tu. Ondre indi, o’biti indi, o’du aziari.

Mungu ndre diza nde ovu onyiru; Mungu nga di diza nde ma esele co angu biza be ndu ndu.

Mungu ’yo ra, Emi ndre, ma fe emi dri afa idiza dria ori ’yapi ovupi nyaku dria ma dria ’diyi pi, pati dria ovupi patiefi ori fepi ’diyi be ’diyi be ’bo; yi nga ovu emi dri nyakaru.

Mungu nga diza ma ru ’da Etu’i, nga angu biza ma ru ’da Ini’i. Te ondre indi, o’biti indi, o’du alu.

Mungu ’yo ra, Afa ajaza ma ovu yi nde ma eselia agadua, ma awa yi pi ma esele yi azini be ndu ndu.

Ma fe vini ase ibiru nyakaru anyapa dria asea ’diyi pi dri ’bo, aria dria ’bua ’diyi pie, afa dria acipi aci valesi nyaku dria ovupi idri be ’diyi pie dria. Eri nga ovu ’dini.

Mungu ’yo ra, Diza ndu ndu ma ovu afa ajaza ’buari ma alia ci, etu pi ma esele cozu ini be ra; yi ma ovu ecetaru, ewu pi ecezu o’du pie, eli pie

Mungu ’yo ra, Nyaku ma idu ase, afa idiza ori ’yapi ’diyi pie, pati efi kapi suruti vusi orini ovuzu alenia ’diyi pie dria, nyaku ma dria. Eri nga i ’ye ’dini.

Mungu nga di afa ajaza nderi ede ra, nga yi afa ajaza nde ma etiari pi ma esele co yi afa ajaza ma drilia ururi be ndu ndu. Te eri nga i ’ye ’dini.

Nyaku nga di ase idu ra, afa idiza ori ’yapi suruti vusi ’diyi pie, pati efi kapi orini ovuzu alenia ’diyi pie, suruti yini vusi. Te Mungu ndre eri ovu onyiru.

Mungu nga di diza ambo ambo ede iri, diza amboruri dri cezu opiru etu ma drilia, diza wereri dri cezu opiru ini ma drilia; eri ede vini ’bi’bio indi.

Mungu ’yo ra, Yi ’bu ma etiari ma oku yi pari alua, angu a’wiru ma e’da i beni. Eri nga i ’ye ’dini. Mungu nga di angu a’wiru ma ru ’da Nyaku’i, ’da vini yi te yi okupi tualuri ma ru Miri’i. Te Mungu ndre eri ovu onyiru.

Mungu nga di asi ndriza fe yi dri, kini, Emi ma ti, emi ma ezu tre, emi ma ga yi mirini ma alia tre ani, aria ma ezu tre nyaku ma dria indi.

Mungu ’yo ra, Nyaku ma ezu anyapa idri be ’diyi tre tre, suruti yini vusi: anyapa akua ’diyi pi, afa acipi aci valesi ’diyi pie, anyapa asea ’diyi pie dria suruti yini vusi. Te eri nga i ’ye ’dini.

Mungu ’yo ra, Yi mirini ma ezu afa acipi ovupi idri be ’diyi tre tre, aria ma sa nyaku ma drilia uru afa ajaza ’buari ma angu walaruria.

Mungu nga di anyapa asea ’diyi o’ba ra suruti yini vusi, anyapa akua ’diyi pie suruti yini vusi, afa dria acipi aci valesi nyakua ’diyi pie dria suruti yini vusi. Te Mungu ndre eri ovu onyiru.