Popular Bible Verses from लूका 14

Share

“अगर कोई मिन्जो बल्लै अईआ अतै अपणै माता, पिता, घरावाळी, औलादा, भाई-बैहणी अतै अपणै प्राणा थऊँ बढ़ीकरी मिन्जो समझा ता सो मेरा चेला भुच्‍ची सकदा हा।

जैडा कोई अपणा क्रूस ना चुक्‍का ता सो भी मेरा चेला ना भुच्‍ची सकदा।”

कजो कि जैडा मणु अपणै आपा जो बड़ा समझदा सो हल्का भूणा अतै जैडा अपणै आपा जो हल्का समझदा सो बड़ा भूणा।”

इन्‍नी साभै जैडा कोई सब कुछ त्यागी देआ ता सो ही मेरा चेला भुच्‍ची सकदा हा।

यीशु अगो बलदा कि, “तूसु मन्ज कुण ऐसा मणु हा जैडा अपणा घर बणाणा चाहा, अतै पहलै बैही करी खर्चा ना जोड़ा, कि ऐस घरा जो अऊँ बणाई सकदा कि ना?” करखी ईयां ना भोआ कि नियूँआ भरनै थऊँ बाद तिजो घरा बणाणै री हिम्मत ही ना रेआ। मणु हेरी करी हासणा, तेरा मजाक उड़ाणा अतै बलणा, “ईनी मणुऐ घरा बणाणै रा ता कम शुरू करू पर ऐत जो पुरा ना करी सकू।”

पर जे तुद खाण खुआणा ही हा ता गरीबा, डुण्‍डै, अतै अन्धै मणु जो हैदै। ता प्रमात्मैं तिजो धर्मी मणु रै दोबारा जी ऊठणै पुर बड़ा इनाम दिणा कि तैंई इन्‍नै मणु जो हैदुरा थू जैड़ै कि तिजो फेरी ना सकदै थियै।

यीशुऐ बल्लू, “लूण ता खरा हा पर जे अगर लूणा मन्ज स्वाद ना भोआ ता फिरी कत सितै सो लूणका करना। सो ना ता मिट्टी रै कमै अतै ना ता खाद बणाणै रै कमै इन्दा। मणु तैस जो बाहर फैंकी दिन्दै हिन। कन्‍ना खोली करी मेरी गल्ला हुणी लेय्आ।”