Popular Bible Verses from Mariko 2

Deli

Nakiirara Yesu kesi, kolimokini nesi kesi ebe, “Ng'ulu lu eng'aleete mam kekotosi lokemadan, konye ng'ulu bon lu edekasi. Mam eong' kabuuti anyarauni lu edolito, konye lukarokusio.”

Na anyuna Yesu akiyuuni nakejaasi ka kesi, kolimokini Yesu etwan lo eteregegiara, “Okoku kang', arimakin arokusio kon.”

Kosodi Yesu ang'etakin ebala, “Asubio Esabato kanuka ajokus ka etung'anan, mere ebe etung'anan kanuka Esabato.

Kanuka akipuakus ka itung'a, amam kesi abeikinete akitodolo etwan namaka Yesu. Kosodete aketar asoto ketogo ideerekina alaro na ajii Yesu. Kedaut aketar, kijesunete etwan kwap eperi komukeka keng'.

Kanuka ng'un akote eong' kojenutu ebe ejaasi Okoku ka Etwan ka apedor ka akwap naka arimakin itung'a arokusio kakwap.” Kosodi nesi alimokin etwan lo eteregegiara, “Kalimokini eong' ijo, konyou, koseku emukeka kon, koloto ore!”

Ani etapana alimokin lo iteregegiara, ‘Arimakin arokusio kon,’ Kere atemari, ‘Konyou, koseku emukeka kon, kolot’?

Iteete kesi kere, konyouni etwan, kosekuni emukeka keng', koikari. Abuutu itung'a kere koumokisi cut, kiturete Akuju ebalasi, “Mam siong' apelem kaanyuto ibore ipede bala eni!”