Popular Bible Verses from Mateu 7

Share

“Phembani, munapaswa. Sakani, munapigumana. Gogodzani, munafungulirwa.

Thangwi onsene anaphemba, anapaswa. Anasaka, anapigumana. Pontho ule anagogodza citseko, anafungulirwa.

“Anthu onsene anabva mafala anga mbaacita, asalandana na mamuna m'bodzi wa ndzeru adamanga nyumba yace padzulu pa mwala.

Na tenepo, pyonsene pinafuna imwe kuti mucitirwe na andzanu, acitirenimbo imwe pakutoma. Thangwi ipi ndipyo pinalonga Mwambo wa Mozesi na pinapfundzisa Maporofeta.”

Mbwenye nsuwo ung'ono na njira yakupata zisafikisa ku mbuto ya upulumuki. Apo anthu ace anaigumana acepa.”

“Pitani na nsuwo ung'ono. Thangwi nsuwo ukulu na njira ikulu pisapitisa ku mbuto ya kutaika. Mbazinji anthu anapita na mwenemu.

Lang'anani, imwe ninga anthu a kuipa musakwanisa kupasa ana anu pinthu pyadidi, ndiye tani Baba wanu ali kudzulu, nkhabe bulusa pinthu pyadidi mbapasa ale anam'phemba?

“Lekani kutonga munthu, toera mukhonde kutongwambo na Mulungu. Thangwi na matongero anacita imwe, munadza katongwambo sawa-sawa. Pontho na n'dida ubodzi-bodzi unapimira imwe andzanu, munadza kapimirwambo na n'dida unowu.

Mbwenye ule anabva mafala anga mbakhonda kuacita, asalandana na mamuna m'bodzi wa kusoweka ndzeru, adamanga nyumba yace pa checa.

Thangwi yanji usalang'ana cirombo cing'ono ciri n'diso mwa m'bale wako, mbukhonda kuona nkhuni iri n'diso mwako? Usakwanisa tani kupanga m'bale wako kuti: ‘Bwera ndikubuluse cirombo cing'ono ciri n'diso mwako,’ mbukhonda kuona nkhuni iri n'diso mwako?

“Cenjerani na maporofeta a uthambi! Thangwi ali kudza kuna imwe ninga mabira, mbwenye m'mitima mwawo ndi mibindzi ya ukali. Anthu enewa imwe munaadzindikira na misapu yawo. Pisakwanisika kuti munthu achode mauva pa miti ya minga, peno masambvu pa psepse?

Na tenepo, muti onsene wadidi usabala misapu yadidi, muti wa kuipa unabalambo misapu ya kuipa.

Pontho, nkhabe kucitika kuti muti wadidi ubale misapu ya kuipa, peno muti wa kuipa ubale misapu yadidi.

Muti onsene unakhonda kubala misapu yadidi usagwandiwa mbuponyiwa pa moto.