Popular Bible Verses from PANDARIADDI 24

Share

Ana see allangnga udde niumal᷊iomanna, “MAWU, Ruata mawu'u Abraham, tul᷊ungaawe, tadea'u i ya'u maaola'a manara'u su allo indi; akkanaawe mawu'u Abraham.

I ya'u sarun mabbisara sangkatou suwallati mangitou, ‘Tul᷊unga'a lintuṛṛa'a wowongngu wuṛṛu i ya'u painuma'a.’ Amungkangngu i tou sumimbakka, ‘Pa'inumpe, wuṛṛu manga untan Papa sarun ta'u iapa'inumma lai!’ ete i tou apan nipile MAWU hunan Ishak allang-Ngu. Amungkangngu olangnge udde matipussa, i ya'u sarun maasingkatta manungku MAWU pia naungnga mapia su mawu'u Abraham.”

Wua'udde i Ishak nangapiddi Ribka sinumutta sulal᷊ummu rasanni Sara inangnge, wuṛṛu i tou natambaten Ribka. I Ishak marangngu si Ribka; ne nal᷊uasse naungngi Ishak apan massusa ana waugu niapateannu inangnge.

Ne i mangitou namalaten Ribka wuṛṛu mallal᷊u'adde inai ringannu allangngi Abraham wuṛṛu manga taumatane. Ana see i mangitou nangal᷊amatta si Ribka ringannu manga wisara indi, “Antimanna i'o, Ribka mabbal᷊i inangngu taumata nambo! Antimanna papapulunnu mapasuṛṛubawa manga soan seenne!”

Passalute ringannu arannu MAWU, Ruata apan uataṛṛino langitta wuṛṛu runia, manungku i'o tawe madea'a awingngi Ishak ana'u wuassu wallatu manga taumatan Kanaan indi. I'o ṛinone mabelengnga watukku wanua niasungkangangku madea'a awingngi tou wuassu wallatu manga tuṛṛangku.”