Popular Bible Verses from MATIUS 6

Share

Tapi kesoaba kileak supayo Kerajaan Allah mriteak das idupnu ngen meneaba kelokne. Mako Allah bakea melei hal-hal de luyenne ngen ko.

Kerno'o jibeakba renyeng tetang bilai men, sebab bilai men ade.”

Kerno'o ingetba; jibeakba renyeng tetang idupne, jano de lok udi mbuk ngen menem atau jano de lok udi makei. Iso ka idup lebiak kunei kembuk ngen awok lebiak kunei keracok au coa?

Tapi amen udi bedu'o, moiba lem biliknu, katubba bang ngen bedu'oba ngen Baknu de coa keten'o. Baknu de kemliak plepnu coa keten bakea melei upeak ngennu.

Kerno'o bedu'oba awei yo: ‘Bak keme neak surgo: coa ade Allah seluyen ko. Kirone Ko senbeak ngen nehormat. Ko ba Rajo keme. Kirone Ko mriteak neak bumai ngen neak Surgo.

Keleiba bilai yo kembuk segenepne de keme perlu.

Napunba keme kunei saleak keme, awei keme kulo sudo melei apun ngen tun de besaleak ngen keme.

Jibeak muyau keme coa pecayo waktau keme cenuba. tapi ne'uakba keme kunei kuaso Iblis. [Koba Rajo de kuaso ngen mulio utuk selamone. Amin.]’

Amen udi mapun tun besaleak ngen ko, Baknu neak surgo bakea mapun udi kulo.

Denongba burung-burung neak lenget, de coa tembea ngen manen, coa melungguk asea panen neak lem tuoa. Tapi Baknu jemago tobo'o! Udi lebiak bodong kunei burung-burung'o, au coa?

“Jibeakba udi melungguk harto utuk dirainu neak bumai; olok menget musakne ngen tukang maling teko utuk malingne. Tapi melunggukba hartonu neak surgo; neak di olok menget coa nam musakne ngen tukang maling coa nam malingne. Kerno neak ipe hartonu ade, neak di kulo ateinu!”

“Coa ade do tun dapet kerjo ngen duai tuan. Sebab si lebiak mengasiak de do kunei de luyen atau si lebiak setia ngen tuan de do kunei pado de luyen. Awei yo kulo ngen udi. Udi coa dapet kerjo utuk Allah ngen harto.

Dukut neak imbo temuak tapi men nemben abis, tapi Allah merias dukut'o kembiak baes. Jano igai udi! Tapi udi coa pecayo!

Tapi amen udi melei sedekeak, keleiba seca'o diem-diem, jibeak sapei tun namen. Kunyauba tun luyen coa namen pelep nu'o, seluyen Baknu neak surgo'o Si kemliak plepnu de coa keten, ngen Si bakea melei upeak ngen ko.”

“Ingetba jibeak udi menea periteak agamo neak adep dau tun utuk keneliak tun. Udi coa bakea dapet upeak (amal) kunei Baknu neak surgo, amen udi menea awei'o.

“Amen udi puaso, jibeakba papeanu murung awei tun munafik. Tobo'o sengajo kemten papea murung kunyau tun kemliak amen tobo'o dong puaso. Do'oba upeak de tobo'o bi temimo. Tapi amen udi puaso, nepukba papeanu ngen senikekba buknu, kunyau coa kemliak tun amen ko dong puaso, meluyen Baknu de coa keten'o bae. Si kemliak plepnu de coa keten ngen bakea melei upeak ngen ko.”