Priljubljene svetopisemske vrstice iz Matiu 15

Deli

Ngkáliꞌna riꞌi, laluita to kadake to mentóáꞌ hangko i laluntaꞌ hai mesuwuꞌ i humentaꞌ, onoꞌ riꞌi to mopakedáikeꞌ i peitána Pueꞌ Ala. Láwiꞌ hangko i laluntaꞌ mesuwuꞌ mampopengaa pekiri to kadake, álána ara to mepapate, mebualosi, mobábehi bábehiá to metitidiꞌi, manako, mosabiki dongkoꞌ hai mopakóiꞌ tauna ntániꞌna.

Tiꞌara pandeꞌ to mesuaꞌ i ngángántaꞌ to mopakedáikeꞌ i peitána Pueꞌ Ala. Ngkáliꞌna riꞌi, laluita to mesuwuꞌ i humentaꞌ, iti to mopakedáikeꞌ i peitána Pueꞌ Ala.”

Nauliꞌ Pueꞌ Ala: ‘Taunaheꞌ iti, i humeraꞌ peá mobiláꞌAꞌ, agáiáná laluraꞌ karaoꞌ hangko i Kódóꞌ. Tiꞌara mobunduꞌ penómbáraꞌ i Kódóꞌ, láwiꞌ paturoꞌraꞌ paturoꞌ hangko i tauna peá, tiꞌara paturoꞌ hangko i Kódóꞌ.’ ”

Hangko ionoꞌ, nauliꞌ Iesu, “Maróhó ntepuꞌu pepoináláimu! Apa to nuhárungá, mewaliꞌ miꞌi mouláꞌ peundeꞌámu.” I tempó iti woꞌo, nalalu mpuꞌu miꞌi ánáꞌna towawine toKánáꞌá iti.

Agáiáná towawine iti lao peá molingkudu i bitina Iesu, nauliꞌ, “Pueꞌ, Nutulungiaꞌ, wongkódóꞌá!” Nahániki Iesu, “Io toKánáꞌákoꞌ. Tiꞌara maroꞌa moala pandeꞌraꞌ ánángkóiꞌ, haneꞌi raweꞌi ahu.” Agáiáná mehániꞌ towawine iti, nauliꞌ, “Toꞌu ntepuꞌu Pueꞌ, agáiáná ara woꞌo ahu to mandeꞌ wutaꞌ to manawoꞌ hangko i mejá.”