Priljubljene svetopisemske vrstice iz YOANA 3

Deli

Nũndũ Ngai nĩwendete nthĩ, nĩwanenganie Mwana wake e ũmwe, nĩ kana o ũla ũmwĩtĩkĩlaa ndakae, ĩndĩ ethĩwe na thayũ ũtathela.

Nũndũ Ngai ndaamũtũma Mwana wake kũũ nthĩ asilĩle nthĩ; ĩndĩ nĩ kana nthĩ ĩtangĩĩwe nĩwe.

Yesũ amũsũngĩa, amwĩa, Nĩ w’o, nĩ w’o, nĩngũkwĩa, Keka mũndũ ũsyawa kuma ĩũlũ, ndatonya kwona ũsumbĩ wa Ngai.

Ũla ũmwĩtĩkĩlaa ti mũsilĩle: ĩndĩ ũla ũteũmwĩtĩkĩla nĩ mũsilĩle o na yu, nũndũ ndanetĩkĩla syĩtwa ya Mwana wa Ngai ũla wasyaiwe e weka.

Na ũũ nĩw’o ũsilĩlo, nũndũ kyeni nĩ kyũku kĩkalika kũũ nthĩ, na andũ nĩmendie kĩvindu kũte kyeni; nũndũ mawĩa moo maĩ mathũku.

Mũvaka we aneneve, nakwa nĩnyive.

Nũndũ kĩla mũndũ wĩkaa naĩ amenaa kyeni, na ndokaa kyeninĩ, mawĩa make maikakanw’e.

Ũla wĩtĩkĩlaa ũ Mwana e na thayũ ũtathela; ĩndĩ ũla ũtamwĩtĩkĩlaa Mwana ndakona thayũ, ĩndĩ ũthatu wa Ngai wĩkalaa ĩũlũ wake.

Na o tondũ Mose wokĩlilye ĩla nzoka weũnĩ, mũvaka Mwana wa mũndũ okĩlw’e ta ũu

Ũla Asa nũmwendete Mwana, na nĩwamũnengie maũndũ onthe kw’okonĩ kwake.