Priljubljene svetopisemske vrstice iz Matius 11

Deli

Mari jo datang pa Kita, samua ngoni yang lala deng yang banya beban, kong Kita mo beking ngoni pe hati jadi lega.

Ngoni iko jo tu prenta yang Kita da kase pa ngoni, sama deng tu sapi yang da se pake akang kuk for iko de pe tuang pe mau. Ngoni blajar jo dari pa Kita lantaran Kita ini bae-bae deng nyanda sombong. Kalu ngoni beking bagitu, ngoni pe hati mo jadi lega.

Soalnya tu prenta yang Kita da kase itu nyanda susa, kong tu beban yang Kita da kase pa ngoni nyanda brat.”

Abis itu Yesus bilang, “Kita pe Bapa so kase samua pa Kita. Nyanda ada satu orang yang tau sapa tu Bapa pe Anak, kacuali Bapa sandiri. Kong nyanda ada satu orang yang tau sapa tu Bapa kacuali Dia pe Anak, deng sapa jo tu Anak da pili for tau tentang Bapa.

Kong Yesus manyao pa dorang, “Ngoni babale jo pa Yohanes kong bilang pa dia apa tu ngoni da dengar deng ngoni da lia: tu orang buta so bole balia, orang yang lumpu so bole bajalang, orang yang saki kusta so bae, orang yang pongo so bole badengar, orang mati so hidop ulang, kong orang miskin so dengar tu Kabar Bae dari Tuhan Allah.

Jadi sapa tu ada talinga, badengar jo bae-bae.