Popular Bible Verses from Senesi 32

Share

Ti na toe pati loa le tagata : E leaise toe igoa loa a koe ko Sakopo, kae e ke igoa loa ko Iselaele ; talie na ke poko mo le Atua ti mo ni tagata, ti kua ke malo.

Ti na pati loa le tagata : Tuku mai au ke kau ano, talie kua malama le mafoata. Na tali loa Sakopo : E leaise kau tuku loa a koe ke ke ano, kae e leikiaise ke tapuaki mai kiate au.

Na nofo toka tasi loa Sakopo. Ti na fepoko loa se tagata mo ia o kaku ki le mafoata.

Na soli loa e Sakopo le igoa ko Peniele ki le ganea lena ; talie na pati a ia : Kua kau tio mata ki le Atua, ti na fakamauli loa e ia loku mauli.

I le tio a le tagata na leaise makeke a ia iate ia, na tai loa e ia Sakopo i le sokoga o lona kauaga ; ti na maui loa le sokoga o le kauaga o Sakopo i lana poko mo le tagata lena.

Ti na pati loa le tagata kiate ia : Ko ai lou igoa ? Ti na tali loa a ia : Ko Sakopo.

Ti na vesili loa Sakopo kiate ia : E kau kole atu kiate koe, fakasa mai kiate au lou igoa. Na tali loa le tagata : Kolea e ke afa mai ai loku igoa ? Ti na tapuaki loa a ia kia Sakopo i le ganea lena.

Eteleno, e leaise kau gali mo kalasia fuli ala na ke tuku mai kiate au, mo lou agatonu katoa kiate au ko lau tagata fakasausau ; talie na kau fakalaka i le Solotane leinei mo loku tokotoko, ti ko leinei kua kau nofo mo ni nofolaga e lua i le aso nei.

Koia leia e leaise kai ai e fanau o Iselaele o kaku mai ki aso anei le kanomate o le tega, leia e pipiki ki le sokoga o le kauaga, talie na taai e le Atua a Sakopo i le sokoga o lona kauaga.

Na faikole loa Sakopo, o pati : Atua o loku tamana ko Apalaamo, Atua o loku tamana ko Isaake, Eteleno leia na pati mai kiate au : Toe liliu ki lou fenua mo lou ganea tupu, ti e kau fai loa kiate koe le nea malie.

E kau kole atu kiate koe, ke ke fakamauli au mei loku taina ko Esau, talie e kau i kiate ia, ti e kau mamae na au loa a ia o tamate au, mo fafine, mo toe.