Popular Bible Verses from NINGPAWT NINGHPANG 6

Share

Dai majaw Yehowa gaw shinggyim masha ni e ga ntsa e hpan tawn da ai hpe myit malai lu nna, shi a kraw lawang e yawn nga ai.

Shinggyim masha ni a n hkru n hkra ai lam ga ntsa e kaba la ai hte, shi a kraw lawang na myit maw mamaw gaw tut tut n shawp nga ai hpe Yehowa mu wu ai.

Noa chyawm gaw Yehowa a man e myi man pa nga ai.

Ndai gaw Noa a maumwi lam rai nga ai: Noa gaw dinghpring ai hte, dai aprat na ni hta hkum tsup ai wa rai nga ai: Noa gaw Karai Kasang hte rau ahkawm asa nga ai.

Dai rai nna Yehowa, gaw, “Ngai hpan tawn da ai shinggyim masha hpe ga ntsa na atsai awai ngai di kau na we ai: masha kaw nna yamnga, gumrawt hkawm ai baw hte ntsa malen pyen ai u ni hpe du hkra shatsai kau na we ai: kaning rai nme law, dai ni hpe ngai hpan da we ai majaw myit malai lu nngai,” nga ai.

Ya ga ntsa masha ni, law htam wa ma ai hte, shayi sha shaprat ya nga ma ai shaloi Karai Kasang a shadang sha ni gaw shinggyim masha ni a shayi sha ni tsawm htap nga ma ai hpe mu mu ai rai nna, tinang ra ai hte maren num lata la ma ai. Yehowa chyawm gaw, “shinggyim masha ni, lam dam ai gaw, hkum shan sha rai nga ma ai majaw, nye a Wenyi shanhte hpe tut tut a daru nga na n rai: dai rai nna shi a asak gaw latsa e hkun ning sha rai na rai nga ai.” Dai aprat e Nehpelim ngu ai ni ga n ntsa e nga nga ma ai; Karai Kasang a shadang sha ni shinggyim masha ni a shayi sha ni hte nga nna, kashu kasha shaprat ya mu ai hpang e mung, dai ni gaw naw nga nga ma ai: shanhte gaw moi nna n-gun nsam kaba ai hte kajai gumhkawng ai ni rai nga ma ai.

Noa gaw shing rai galaw wu ai; Karai Kasang shi hpe hkang da wu ai hte maren, lam shagu shi galaw wu ai.

Shaloi Karai Kasang Noa hpe tsun wu ai gaw, “Dinghta hkum shan yawng mayawng a chyahtum gaw nye a man e pru ra ai; kaning rai nme law, dai ni a majaw dinghta ga gaw kashun kashe re ai hte hpring chyat nga ai: dai rai nna, yu u, ga hte nawng, ngai shanhte hpe jahten kau na mawe ai.

Na a matu guhpra hpun hte sanghpaw li shachyaw u: dai sanghpaw li a kata e gawk kaji nang karan da na rai ndai; de a kata maga hte shinggan maga de mung, hpun naw nang chya na rai ndai.

Shaloi Karai Kasang gaw dai aga hpe mada yu wu yang, yu u, dai gaw n ding n man rai nga ai: kaning rai nme law, dinghta hkum shan mahkra gaw, ga ntsa e tinang lam hpe shabyak kau ai hkrai rai nga ai.

Nang hte rau hkrung nga na matu mung, nsoi nsa rawng ai ashu ashan amyu shagu hta na lahkawng hkawng, dai sanghpaw li hta nang la jashawn na rai ndai; dai gaw ayi, ala rai na rai nga ai.